Beriya çar salan li gundê Berlût yê navçeya Kelarê, Ferhad Dêrik bi sê hevrêyên xwe re di êrişa balafira bêmirov û biçek a dewleta Tirk tevlî karwanê şehîdên Tevgera Azadiya Gelê Kurd bûn û ıra bi boneya çaremîn salvegera şehadeta wan, li cihê lê şehîd bûne hatin bibîranîn.
Li cihê çalakiya bîranîna şehîdan, çavdêrê siyasî Cûma Kerîm ji ajansa me re axivî û hestên xwe bi van gotina anî ziman; “Beriya çar salan, Şehîd Ferhad Dêrik û sê hevrêyên wî ji aliyê dewleta Tirk ve liv ê derê hatin şehîdkirin. Em weke welatparêzên navçeya Kelarê îro me di salvegera şehadeta van van hevalan de li cihê bûyerê kom bûn, mûm pêxistin û şehîd bibîr anîn.
Em soz didin ku heta gelê Kurd azadiyê bidest bixe, têkoşîna xwe bidomînin. Em soz didin ku heta gelê Kurd azadiyê bidest bixe, têkoşîna xwe ya ji bo azadiyê bidomînin.”
Her wisa Cûma Kerîm peyamek ji bo gelê Rojava jî şand û tê de wiha got; “Dema ku şehîd Ferhad Dêrikli Kelarê şehîd bû û paşê Germiyaniyek di êrişên li ser Rojavayê Kurdistanê de şehîd bû, ev nîşana yekparçeyiya hemû beşên Kurdistanê ye û yekîtiya gelê Kurd îspat dike.”
Piştî ku Şehîd Ferhad Dêrik û sê hevalên wî ji Rojavayê Kurdistanê hatin navçeya Kelarê û di 17’yê Hezîrana 2022’an de ji bo dermankirinê ber bi bajarê Silêmaniyê ve çûn, di heman rojê de li gundê Berlût di bombebarana balafirên bêmirov yên dewleta dagirker a Tirk de şehîd bûn. Her sal, şêniyên Germiyanê û welatparêz her çar şehîdan li cihê lê şehîd bûne, bibîr tînin.
