Hamît Akdogan (Ferhat Leşker) ê HPG’î ku di 25’ê Nîsana 2019’an de li herêma Şehîd Remzî ya di navbera navçeyên Licê û Pasûrê yên Amed û navçeya Dara Hênê a Çewligê de di pevçûnekê de şehîd bibû, di salvegera şehadeta xwe de li ser gora xwe hat bibîranîn.
Bîranîn ku ji hêla MEBYA-DER’ê ve hat lidar xistin, li gundê Tûmîka yê navçeya Qoser a Mêrdînê pêk hat. Endamên malbatê, nûnerên partiyên siyasî û rêxistinên girseyî yên demokratîk û gelek kes beşdarî bîranînê bûn.
Di bîranînê de ku bi deqeyeke rêzgirtinê dest pê kir, sirûda Meşa Çerxa Şoreşê hat xwendin û gelek caran dirûşmeyên “Şehîd namirin” hatin berzkirin. Hevserokê MEBYA-DER a Mêrdînê Salîh Kuday di bîranînê de axivî û got: “Her roj di dîroka me de rojeke bîranînê ye. Ev roj bi bedelên mezin hatin bidestxistin. Berî Tevgera Azadiya Kurd, neteweyek bi tunebûnê re rû bi rû ma. Komkujiyek hebû. Kurd roj bi roj winda dibûn. Wan digot qey wan Kurdistan di betonê de veşartiye, lê Tevgera Azadiyê ya Kurd li dijî vê yekê derket holê. Bi saya van nirxên ku em îro bi bîr tînin, rastiya hebûna Kurd ku di betonê de hatibû veşartin, hatiye qebûlkirin. Li ser gora hevalê me, em soz didin; em ê ala têkoşîna wan bigihînin lûtkeya herî bilind. Di dîroka cîhanê de tu paraleleke bi berxwedana ku Tevgera Azadiyê ya Kurd nîşan daye re tune ye. Xewnên şehîdên me di bin serokatiya Rêberê Gelê Kurd Abdullah Ocalan de yek bi yek pêk tên. Ev rêyeke birûmet e.”
Bîranîn bi danîna gulan li ser gorê, xwendina duayan û berzkirina dirûşmeya “Şehîd namirin” bi dawî
