HDK’ê bertek nîşanî binçavkirina gelek kesên ku ji ber piştgirî dan “boykota” 2’yê Nîsanê ya li ser banga xwendekarên zanîngehê pêk hat, da.
HDK’ê têkildarî binçavkirinan li ser hesabê xwe yê X (Twîtterê) daxuyanî da û got, “Em bi pêla binçavkirinên nû re rû bi rû ne û em paşve gav navêjin! Bloka desthilatdar a ku di 23 salan de demokrasî, hiqûq û edalet gav bi gav desteser kir, di vê tofana ku ketiyê de xwe winda kir.”
Daxuyaniyê wiha dom kir: “Bloka desthilatdar a ku hewl dide bi pêla binçavkirinan çavê hunermendên ku piştgiriyê didin boykotê bitirsîne. Divê desthilat vê yekê bizanibe ku ev rêya ku tê de ye ne ti rê ye. Boykot mafeke destûrî ye. Em hunermend û kesên ku piştgiriyê didin têkoşîna demokrasiyê silav dikin. Weke Kongreya Demokratîk a Gelan diyar dikin ku em li gel wan in.”
