Hejmara nû ya kovara Xwebûnê ku ji bo jinên ciwan ên Kurd li Ewropayê tê weşandin, derket. Hejmara 35’emîn li ser sosyalîzmê rawestiya, li ser wateya sosyalîzma demokratîk a ji bo jinên ciwan, rola wan di krîzên civakî de û berpirsiyariyên wan di vê pêvajoyê de nîqaş dike.
Hejmara nû ya Xwebûnê bi logoyek nû hate weşandin. Logo jineke ciwan a Kurd bi cilên kevneşopî nîşan dide ku bi du gulan dorpêçkirî jate tasvîrkirin. Deqa li ser çena jinê wekî sembola nasnameya jinan cih girt, gulên bi dirî jî îlham ji ”teoriya gulê” a Rêber Apo girt, wekî temsîla xweparastinê ye.
Yek ji edîtorên kovarê Şîlan li ser logoyê şîrove kir û got, “Gul tiştekî pir xweşik û estetîkî ye. Lê ew di heman demê de baş dizane ku bê çawa bi stiriyên xwe xwe biparêze. Em gulê ne tenê wekî kulîlkek klasîk dibînin; di heman demê de wekî sembolek ku tiştek ewqas xwezayî xweşik divê bikaribe xwe biparêze.”
Kovara ku ji sala 2017’an û vir ve tê weşandin, bi giranî xîtabî jinên ciwan ên Kurd ên ku li dîasporayê dike û bi piranî bi Elmanî û hin beşên wê bi Kurdî tên weşandin.
Di nivîsa destpêkê ya ku ji hêla edîtoran ve hatiye nivîsandin de, tê gotin ku ew piştî navberek dirêj bi malperek nû û logoyek nû dîsa bi xwendevanên xwe re ne û mijara vê hejmarê “Têkoşîna Mirovahiyê” ye.
Di nivîsê de hat destnîşankirin ku sosyalîzma demokratîk ne tenê têgehek teorîk e û wiha hat gotin: “Sosyalîzm bi rastî tê çi wateyê? Sosyalîzma demokratîk çawa ji pirsgirêkên rojane, krîz û şeran re bibe çareserî ? Rola me wekî jinên ciwan di avakirina sosyalîzmê de çi ye?”
Di beşa “Amargî” ya kovarê de rewşa jinan di nav sîstema tenduristiyê de bi perspektîfa sosyalîst digire dest û di beşa “Stêrkên Şoreşê” de cih da jiyana şehîd Zenda Bermal û şehîd Hêvî Baxtiyar.
