Li gorî rapora UNICEF’ê ya ku 15’ê Nîsanê roja Sêşemê eşkere, di deh salên dawî de bi hezaran zarok li DeryaSpî jiyana xwe ji dest dane. Ev tê wê wateyê ku her roj zarokek li Deryaya Spî jiyana xwe ji dest dide.
UNICEF daxuyand ku ji ber ku gelek keştiyên binavbûyî nayên tomar kirin û şahidên sax tinene, dibe ku ev hejmar kêm be.
Hate destnîşankirin ku Derya Spî yek ji rêyên herî metirsîdar ên koçberiyê ya ber bi Ewropayê ve ye û hate ragihandin ku ji her 6 kesên bi vê rêyê xwe digihînin Ewropayê yek jê zarok e. Li gorî vê rêjeyê, tê payîn ku di deh salên dawî de 20 hezar û 800 kes li ser vê rêyê mirine yan jî winda bûne û ji van nêzî 3 hezar û 500 zarok jê zarok in.
Her wiha li gorî UNICEF’ê %70 zarok bêyî dê û bavê xwe dikevin ser vê rêyê. Gelek zarok ji bo ku ji şer, tundî û xizaniyê birevin dest bi vê rêwîtiyê dikin. Zarok û ciwanên ku bi wan re hevdîtin hatin kirin nîvî jê gotin ku ew bi tundiya fizîkî re rû bi rû mane û ji sê parên wan jî bûyî îradeya wan hatine desteserkirin.
Rêveberê Herêma Asyaya Navîn û Ewropayê yê UNICEF’ê Regina De Dominicis, di raporê de ev bang kir:
“Mafên zarokan li ser sînor û li peravê bi dawî nabin; dema zarok sînoran derbas dikin bi van mafan tên. Peywira hikûmetan ew e ku berjewendî û mafên zarokan biparêzin.”
