Ev proje piştî merasîma şewitandina çekan ku ji aliyê PKK’ê ve li bajarê Silêmaniyê ya Başûrê Kurdistanê hat lidar xistin, hat destpêkirin.
Projeya bi navê “Ji bo aştiyê soza min heye” ji aliyê Doç. Dr. Sureyya Karacabey ve hatiye nivîsandin.
Pevxistin fîlmçêker û wergervan Sînem Beyraktar û deng jî Julîde Kural amade kir.
Di vîdeoya ku hatî amade kirin de, dîmenên malbatên kesên ku di şer de jiyana xwe ji dest dane, malên wan, her wiha meşên azadiyê û kevokên spî cih digirin.
Di vîdeoyê de hunermend Julîde Kural peyama ‘Ji bo aştiyê soza min heye’ dubare kir û bang kir ku ji bo aştiyê kes bêdeng nemîne.
Di vîdeoyê de gotinên Julîde Kural ên ku balê dikêşe bi vî rengî ne, “Eger em tiştekî nebêjin, ziman wê ji xwe şerm bike û ew tîpên ku dikarin me rizgar bikin dê di nav bahozekê de li peravê bikevin û winda bibin. Eger em bêdeng bimînin. Eger ez bêdeng bimînim. Ez nikarim bêdeng bimînim, ji ber ku ji bo aştiyê soza min heye.”
