Îsraîlê du projeyên înşaetê yên li Yahudiye û Samireyê erê kirin û ev yek di polîtîkaya berfirehkirina deverên hatine dagirkirin de bû pêngaveke girîng.
BI TEMAMÎ RÊ LI PÊŞIYA DEWLETA FILISTINÊ TÊ GIRTIN
Xaniyên ku wê li herêma E1’ê werin avakirin, wê bikevin navbera Şerîaya Rojava û herêmê bike du perçe û bi temamî rê li pêşiya yekbûna xaka dewleta Filistinê a muhtemel bigire.
Rayedarekî Îsraîl têkildarî mijara berbehs axivî û got: ‘’Rêveberiya sivîl saetekê beriya niha, projeya taxeke nû ya li herêma E1’ê erê kir.’’
Wezîrê Darayî yê Îsraîlê Betsalel Smotrich proje weke ‘’kêliyeke dîrokî’’ pênase kir û got: ‘’Edî em sozên ku bi salan e tên dayîn, bi cih tînin. Ev proje hem ji bo niştecihbûnê hem ji bo ewlehiya neteweyî û hem jî ji bo dewleta Îsraîlê gelekî girîng e.’’
Hêjayî bibîrxistinê ye ku hefteya borî Wezareta Karên Derve ya Fransayê bang li Îsraîlê kiribû ku dev ji projeya berbehs berde û diyar kiribû ku ev li hemberî hiqûqa navneteweyî binpêkirinek e.
