Li bajarê Amûdê yê herêma Cizîrê Meclisa Malbatên Şehîdan merasîma ji bo 6 şervanên QSD`ê Dilbirîn (Ehmed Xido), Şivan Mistê, Dilsoz Amûdê (Ehmed Hisên), Bîrhat Amûdê (Mihemed Kûsê), Berxwedan Amûdê (Faris Îsa), Mezlûm Efrîn (Mihemed Qasim) û şervana YPJ`ê Hêvî Amûdê (Silava Şêxmûs) ku di encama nexweşiyê de şehîd bibû, organîze kirin.
Merasîma li pekrewangeha Şehîd Ismaîl hat çêkirin bi dehan xelkên Amûde ji komîn, meclis û saziyan beşdarî merasîmê bûn.
Merasîm bi deqeyekê rêzgirtinê ji bo cangoriyan destpê kir. Di merasîmê de endamê Meclisa Malbatên Şehîdan Zîwer Elî axivî û wiha got: ` Zarokên me ji bo rûmetê li ber xwe dan. Dayîkek jî di serferberiyê de ji kurdê xwe yê zanîngeh bi dawî kiriye dibêje ji bo tu nirxên şehîdan û cangoriya wan biparêze tenê pêdiviya te bi çek heye`.
Her wiha fermandarê Meclisa Leşkerî ya bajarê Amûdê Berxwedan Amûdê axivî û got:` Komên Hikûmeta Demkî ya Sûriyeyê dixwest bi van êrîşan re gelê Kurd qir bikin, lê bele fedakarî û berxwedana gel û şehîdan ew pîlansaziyên wan têk birin. Kurdistan xeta sor e, em ê biserbikevin û bi ruhekî bexwedêr û fedayî bighîjin azadiya xwe.`
Bi navê Kongreya Star Civîn Hebîb axivî û got:` Em soz didin gel û şehîdan heyanî em bighîjin mafên xwe em ê li berxwe bidin û wê her tim Berxwedan Jiyan dirûşmeya me be.
Di dawiya merasîmê de wesîeya şehîdan hat xwendin û bi dirûşmeya Bijî Berxwedana Rojava bi dawî bû.
Şervana YPJ`ê Hêvî Amûdê li gundê Til Xenzîr ê başûrê bajarê Amûde spartin axê û şehîd Mezlûm Efrîn jî wê li goristana Şehîd Dicla ya bajarê Kobanê bispêrin axê.
