Ji bo Mehmet Konûr ê endamê ARGK’ya girêdayî PKK’ê ê ku di 17’ Tebaxa 1994’an li herêma Çiyayê Reşkê şehîd bû, piştî 32 salan konê sersaxiyê hate vedan. Sersaxiya li navçeya Silopyayê li gel tevlîbûnên girseyî hate ziyaretkirin.
Di seredana ku bi pêşengtiya MEBYA-DER’ê de ber bi mala malbataê ya li Taxa Yenîşehîrê ve meşek hate lidarxistin. Bername li gel rêzgirtinê dest pê kir, beşdarvan bi dirûşmeyên cuda tevlî sersaxiyê bûn.
Hevserokê MEDYA-DER a Şirnexê Ramazan Togrûl vedana konê sersaxiyê ya pîştî 32 salan weke ‘’xwedîliderketina nirxan’’ pênase kir. Hevseroka Rêxistina DEM Partiyê ya Silopyayê Besê Cevîz jî ji malbatê re sersaxî xwest û anî ziman ku ew ê têkoşîna xwe bidomînin.
Hevserokê Rêxistina Bajêr a DEM Partiyê ya Şirnexê Ramanzan Ûysal jî diyar kir ku zemîna pêvajoya roja îroyîn bi saya têkoşîna şehîdan pêk hatiye.
Kadîr Konûr ê birayê Mehmet Konûr jî li ser navê malbatê axaftinek kir û got: ‘’Em ê xwedî li nirxên wan derkevin.’’
Di çarçoveya bernameyê de ji bo bîranîna Mehmet Konûr mewlûd hate xwendin.
