Wezareta Hundirîn a hikumeta demkî ya Sûriyeyê diyar kir ku wê ji 6ˊê Nîsanê ve, li gorî fermana qanûnî ya bi hejmara 13ˊan a sala 2026ˊan, dest bi qeydkirina navên Kurdên ku nasnameyên wan tune ne (mektûm) bikin.
Wê daxwazname li van navendên li bajarên Sûriyeyê hatine destnîşankirin ji hêla komîteyan ve werin wergirtin:
Hesekê; navenda Meclisa Xwecihî ya Hesekê.
Dirbêsiyê; navenda Meclisa Bajêr.
Qamişlo; navenda Meclisa Xwecihî.
Çilaxa; navenda Meclisa Xwecihî.
Dêrik; navenda Meclisa Xwecihî û sekreteriya Dêrikê.
Heleb: hola Şehba ya Werzîşê (hola ciwanan a berê) li beramber Gerînendetiya Ewqafê ya taxa Cemîliyê.
Dêrazor; navenda li nêzî banka navendî ya Dêrazorê.
Reqa; navenda li nêzî banka navendî ya Reqayê.
Şam: navenda Gerînendetiya Karûbarên Sivîl a Şamê, li kêleka Pira El Sewre (Şoreş)
Li gorî wezaretê, qonaxa yekemîn wergirtina daxwazname, kontrolkirina kaxiz û îsbatan e, da ku
Li gorî wezaretê, qonaxa yekem li ser wergirtina daxwaznameyan û kontrolkirina belge û îsbatan li gorî usûlên qanûnî ye, wekî amadekariyek ji bo temamkirina prosedurên dayîna hemwelatîbûnê.
Serokê hikumeta demkî ya Sûriyeyê Ehmed El Şeri di 16ˊê Çileyê de fermana qanûnî ya hejmara 13ˊan a sala 2026ˊan derxist. Di naverokê de hat gotin welatiyên Kurd beşek resen ji gelê Sûriyeyê ne, nasnameya wan a çandî û zimanî beşek ji nasnameya neteweyî ya Sûriyeyî ya pirreng û yekgirtî ku nayên parçekirin e.
