Karkerên Madenê yên Dorukê çalakiya ku ji bo mûçe, tezmînat û mafên kesane dimeşandin, bi dawî kirin. Karker 9 roj in li Parka Kurtuluşê di greva birçîbûnê de bûn.
Serokê Giştî yê Sendîkaya Karkerên Madenê yên Serbixwe Gokay Çakir diyar kir ku hevdîtinên bi wezaretê re erênî bi encam bû. Çakir dagihand ku hemû daxwazên karkeran hatine bicîhanîn û çalakî bi dawî bûye.
Karkeran di daxuyaniya ku li parkê dan diyar kirin ku çalakiya xwe bi dawî kirin. Nûnerên partiyên siyasî û rêxistinên kedê jî beşdarî daxuyaniyê bûn.
Parêzerê sendîkayê Mert Batur diyar kir ku hemû heqdestê karkeran ên ku heta niha nehatine dayîn, planek hatiye çêkirin û ew ê pêvajoyê bişopînin.
Gokay Çakir ji bo piştgiriya gel spasiya xwe pêşkêş kir û anî ziman ku ew ê têkoşîna xwe ya ji bo mafên karkeran bidomînin.
