Saziya Mafê Mirovan HRANA têkildarî zext û binçavkirinên li Îran û Rojhilatê Kurdistanê agahî da.
Hate ragihandin ku Dadgeha Bilind a rejîma Îranê cezayê darvekirinê li Parêzer Muşde Haşimî (27) ku berê karmendê Heyva Sor bû, birî.
Saziyê destnîşan kir ku berî niha Muşde peyamek dabû û gotibû ku êşkence li wê hatiye kirin û ji mafê parastinê hatiye bêparkirin û di bin êşkenceyê de îfadeya wê hatiye girtin û ceza li ser hatiye dayîn.
Li aliyê din Malpera Mîran ya nêzî desthilatê, ragihand ku çalakvaneke jin hatiye girtin bê ku nasnameya wê eşkere bike.
Raporên mafê mirovan eşkere dikin ku di nava 7 mehên borî de bi kêmanî 118 welatiyên Behayî ku 60 jê jinin li 11 parêzgehên Îranê hatine girtin.
Hate ragihandin ku cezayê girtinê ji bo 30 kesan hatiye birîn û 17 kes ji bo girtîgehê hatine veguhestin.
