Hevserokatiya Konseya Rêveber a KCK’ê got, “Li ser mala Serokê Rêveberiya Herêmê ya Kurdistanê Nêçirvan Barzanî ya li Dihokê doh êrişek hate kirin. Em vê êrişê şermezar dikin û ji Birêz Nêçirvan Barzanî re dibêjin derbasî be.”
Di daxuyaniya KCK’ê de hate gotin, “Ji destpêka şerê DYE-Îsraîl-Îranê û vir ve hêzên Kurd gelek caran bûn hedefa êrişan û li ser Kurdistanê gelek êriş hatin kirin. Di encama van êrişan de windahî û birîndarbûn çêbû, her wiha xisareke madî ya mezin çêbû. Em sersaxiyê ji malbatên kesên jiyana xwe ji dest dane re dixwazin, ji birîndaran re jî şîfayê. Kurd di nava vî şerî de nîne û aliyekî wê jî nîne. Lê belê li gel vê yekê jî êriş li ser Kurdan û Kurdistanê têne kirin. Eşkere ye ku ev êriş ji bo wê yekê têne kirin ku Kurdan bikişînin nava şer. Em van êrişan hemûyan şermezar dikin û hêzên ku êrişê dikin hişyar dikin. Gelê Kurd gelekî welê ye ku bi dehan sal in li hemberî zexta qirkirin, îmha û înkarê têkoşîna azadiyê dimeşîne. Gelê me dixwaze pirsgirêka azadiyê ne bi şer, lê bi diyalog û rêyên siyasî çareser bike. Li ser vê bingehê em bang li her kesî dikin ku bi rengekî rast nêzî Kurdan bibin. Divê her kes bi rêzdarî nêzî têkoşîna rewa ya gelê me bibe û nekevin nava hesabên şaş.
Şerê li herêma me diqewime û êrişên li ser Kurdistanê careke din nîşan dide bê hevgirtina hêzên siyasî yên Kurd a li ser bingeha yekîtiya demokratîk çiqasî pêwîstî ye.”
