Koçberên Serêkaniyê û gundewarên Til Temirê yên ku li Kampa Telai û Waşûkanî yên li bajarê Hesekê dimînin, ji bo daxwaza vegera li herêmên xwe, derxistina kesên ku dest danîne ser malên wan, rakirina baregehên dewleta Tirk û tezmînata ji bo sererastkirina malên wan ên wêrankirî li qadên her du kampan çalakî li dar xistin.
Çalakvanan li ser pankartan navên gundên xwe yên bi navê El Ribêat, El Menacîr û El Tewîla danîbûn, her wiha pankartên bi nivîsa “Em daxwaza vegera beriya hatina zivistanê dikin”, “Em daxwaza rakirina mayînan dikin” û “Perwerde mafê me ye” rakirin.
Çalakvan sloganên ku pê banga vegera bi awayeke bi lez, misogerkirina mafê zarokan a xwendina dibistanan û tezmînata darayî ya li şûna zirarên ku malên wan dîtine berz kirin. Her wiha ji hikumeta veguhêz xwestin ku wan niştecihan ji malên koçberan derxînin û rewşa guncaw a ji bo vegerê misoger bike.
Ev çalakiyên protestokirinê di demekê de ku koçber di kampan de zehmetiyan dibînin pêk tên.
