Komîsyona Hiqûq û Mafên Mirovan a DEM Partiyê daxuyaniyek nivîskî da û got, “Ji bo astengkirina derbasbûna girtîgehên bi tîpa F û protestokirina şert û mercên tecrîda giran, girtiyan dest bi greva birçîbûnê kiribû. Li dijî girtiyan 19’ê Kanûna 2000’an li 20 girtîgehan di operasyonên bi rengekî hemwext hatin meşandin de, 30 girtî hatin qetilkirin û nêzî 300 girtî jî birîndar bûn.”
Di daxuyaniyê de ev tişt jî hate diyarkirin: “Bi vê komkujiyê jiyana mirovan berçav nehate girtin, gazên kîmyewî hatin bikaranîn û hovîtî qewimî. Dewletê navê ‘vegera li jiyanê’ li vê komkujiyê kiribû. Tevî ku 25 sal li ser komkujiyê derbas bûn jî, polîtîkaya bêzatiyê hate meşandin û hesab nehate pirsîn.”
DEM Partiyê ragihand ku 122 kesên ku 19’ê Kanûna 2000’an li dijî sîstema tecrîdê ya tîpa F dest bi greva birçîbûnê kirin, piştî operasyonê jî grev domandin û ev tişt diyar kir: “Îro bi girtîgehên ewlekariya bilind û tîpa Y û tîpa S re, pirsgirêkên li girtîgehan bi rengekî kronîk dewam dikin.”
DEM Partiyê destnîşan kir ku ew polîtîkaya bêcezatiyê qebûl nakin.
DEM’ê di salvegera 19’ê Kanûna 2000’an de bi wesîleya Roja Piştevanî û Têkoşînê ya Ji bo Mafên Mirovan ên li Girtîgehan ev daxwaz kirin:
– Dawî li polîtîkaya bêcezatiyê were,
– Li girtîgehan nêzîkatiya li gorî quralên hiqûqê, belgeyên jorê netewî û rûmeta mirov were raberkirin,
– Bila sererastkirinên hiqûqî pêk bên,
– Rejîma înfazê bi temamî ji çêkera xwe ya cudakar û newekhev were dûrkirin,
– Ji bo ku dest ji sîstema tecrîdê ku mudaxileyeke li dijî rûmeta mirov e, were berdan di serî de desthilatdariya siyasî em bang li hemû civakê dikin.
