Koreya Bakur diyar kir ku fuzeyên bi gelek armancan ên sivik ên bi hişê çêkirî û fuzeyên taktîkî ceribandiye.
Ajansa Nûçeyan a Fermî ya Koreya Bakur Korean Central News Agency (KCNA) ragihand ku ceribandin di bin çavdêriya lîder Kim Jong Un de hatiye kirin.
Li gorî nûçeyê, di sîstemê de cara yekê tekonolojiya hişê çêkirî hate bikaranîn û bi vê rêyê hedef hate tespîtkirin û fuze hate birêvebirin.
Artêşa Koreya Başûr diyar kir ku roja Sêşemê ji bajarê Chongju yê Koreya Bakur gelek fuze be bi Derya Zer ve hate avêtin. Hate ragihandin ku fuze bi qasî 80 kîlometreyî çûne.
Ceribandina fuzeyan piştî wan nûçeyan hate kirin ku tê gotin, lîderê Çînê Şî Cînpîng wê vê hefteyê serdana Koreya Bakur bike. Lê belê ne rêveberiya Pekînê ne jî ya Pyongyangê serdan piştrast kirin.
Çîn weke piştevanê herî girîng ê aborî û dîplomatîk ê Koreya Bakur tê dîtin. Li gel vê yekê Pyongyangê salên dawî têkiliyên xwe yên bi Rûsyayê re jî gelekî bi pêş ve bir.
