Serokê Dewletên Yekbûyî yên Emerîkayê (DYE) Donald Trump di daxuyaniya xwe ya roja Duşemê de anî ziman ku ger Rûsya êrîşên xwe yên li ser Ûkraynayê di nava 50 rojî de nede sekinandin ew ê ceza û pêkanînên giran li Rûsyayê bisepîne. Her wiha da zanîn ku ew ê techîzatên leşkerî yên li Ewropayê ji aliyê welatên NATO’yê ve hatine fînansekirin, bişîne Ûkraynayê.
Berdevkê Kremlînê Dmitrî Peskov roja Sêşemê di daxuyaniyeke çapemeniyê de got: ‘’Daxuyaniyên Trump gelekî cidî ne. Hel ji bo analîzkirina gotinên Washingtonê hewcehiya me bi demê heye. Ger Serokkomar Putîn hewce bibîne wê têkildarî vê mijarê biaxive.’’
Peskov diyar kir ku sewqiyata çekan a NATO’yê bi taybet jî ya Wasghingtonê ya ji bo Ûkraynayê wê ji aliyê rêveberiya Kievê ve ne weke derfeta aşitiyê wê weke banga domandina şerî were fêmkirin.
Peskov dubare anî ziman ku Moskova ji bo hevdîtinên li gel Ûkraynayê amade ye û got: ‘’Weke Rûsyayê em hê jî amade ne.’’
Trump ê ku ji destpêkirina erka xwe ve ye dixwaze di navbera Moskova û Kievê de lihevkirinek pêk were, di pêvajoya kampanyayê de îdîa kiribû ku ew ê şerî ‘’di demeke kurt de bi dawî bike’’ lê belê bi awayekî zelal neanîbû ziman ku wê vê yekê çawa pêk bîne.
Trump diyar kir ku ger lihevkirin pêk neyê ne bi tenê li hemberî Rûsyayê di heman demê de ew ê li hemberî hevalbendên Moskovayê jî serî li ‘’tarîfeya gumrikê ya duyemîn’’ bide û zextên xwe yên li ser Rûsyayê zedetir kirin.
