Endamê Tîma Kurdistanî ya Rêxistina CPT’ya Emerîkî Kameran Osman têkildarî valakirina 3 gundên Dînartê ya Dihokê agahî da. Osman diyar kir ku ji ber bomberbarana dijwar a balafirên bêmirov û biçek a dewleta Tirk a dagirker a piştî nîvro metirsiya destpêkirina operasyoneke leşkerî ye û wiha got: “Welatiyên gundê Nepaxî, Bêr Kekurê û Kafya yên dikeve qontara Çiyayê Garê ya Herêma Zêbarî bi ser Dînartê ya Akrê gundên xwe valakirin û derbasî Dînartê û Akrê bûn.”
Osman destnîşan kir ku 4’ê Sibatê hêzên ewlekariyê ya Akrê welatiyên hersê gundan hişyar kiribû ku di nava 3 rojan de gundên xwe vala bikin ev gotibû: “Eger hûn gundên xwe vala nekin, ji jiyana xwe hûn berpirsin.” Osman diyar kir ku ev werza çinîna simaq û dema karê çandiniyê ya gundiyane.
Kameran Osman anî ziman ku ji ber operasyon û êrîşên dagirkeriyê yên dewleta Tirk a li Herêma Kurdistanê heta niha 183 gund hatine valakirin, 602 gund di bin metirsiya valakirinê de ne û nêzîkî 400 gund nikarin bên avakirin.
