Hilbijartinên serokkomariyê yên Bolîvyayê di bin siya krîza aborî de pêk hatin. Li welêt, ku ji ber kêmbûna diravên biyanî û sotemeniyê û enflasyonê ku gihîştiye ji sedî 25, hilbijêr dengê xwe neda desthilatdariya ku 20 sal in welêt bi rêve dibe.
Berevajî bendewariyan, Senatorê rastgir ê navend Rodrigo Paz bi ji sedî 31’ê dengan bi ser ket. Serokê berê Jorge “Tuto” Quiroga bi ji sedî 27 di rêza duyemîn de bû. Di heman demê de karsazê milyarder ê bijarte Samuel Doria Medina di rêza sêyemîn de bû.
Serokê niha Luis Arce neket hilbijartinê. Namzetên MAS Eduardo del Castillo û Andronico Rodriguez nekarîn desteka ku hêvî dikirin bi dest bixin û têkçûnek dîrokî xwarin. Ev encam nîşana dawiya desthilatdariya çepgir a 20 salan e ku di bin Morales de dest pê kir.
Paz piştî hilbijartinê bi daxuyaniyekê got, “Pêwîstiya Bolîvyayê bi îstîqrar, rêveberî û modeleke aboriyê ya gel heye.” Di heman demê de Quiroga soza “guherînek radîkal” da. Serokkomarek nû dê di tûra duyemîn de di 19’ê Cotmehê de were hilbijartin.
