Berdevkê hikûmetê Gassim Şerîf Mahamat, ragihand ku êrîş bi pevçûnên li Sûdanê ve girêdayî ye û got ku tevî hişyariyên berê jî herêma sînor bûye hedef. Li gorî hikûmetê di êrîşê de herî kêm 17 kes mirin û gelek kesên din jî birîndar bûne.
Li gorî nirxandinên destpêkê, hat diyar kirin ku êrîş ji aliyê Hêzên Desteka Lezgîn (HDK) ve hatiye kirin. Lê belê HDK’ê vê îdîayê red kir û artêşa Sûdanê wek berpirsyar nîşan da.
Şerê ku di Nîsana 2023’yan de li Sûdanê di navbera HDK’ê û artêşê de didome, bandor li welatên cîran jî dike.
Serokkomarê Çadê Mahamat Idriss Déby, piştî êrîşê civîneke ewlehiyê lidar xist û fermana bersiva her êrîşê da artêşa xwe.
Rêveberên Çadê, di meha Sibatê de ji ber zêdebûna gefên ewlehiyê biryar dabû ku sînorê xwe yê bi Sûdanê re bigire.
LI SER SÎNOR RAGEŞÎ ZÊDE DIBE
Tine û bajarê Tina yê Sûdanê bi rengekî xetek sînor a vekirî ji hev cuda ne. Zehmetiyên kontrolkirina herêmê tevgera komên çekdar hêsan dike.
Êrîşên bi vî rengî ku di mehên dawî de rû didin metirsiya belavbûna şerê li Sûdanê bo Çadê zêde dike.
Neteweyên Yekbûyî ragihand ku, şerê li Sûdanê bûye sedema mirina bi deh hezaran kesan û koçberbûna bi mîlyonan kesan.
