Di wesayîta çawişê pispor ê bi navê Enes Kazim Guldur de ku li Dersimê peywirdar bû, lêgerîn hate kirin û 12 kîlo û 600 gramên tiryakê hatin girtin.
Li gorî agahiyên hatine bidestxistin, tayîna Guldur 2 meh berê derket Dersimê.
Hat zanîn ku Guldur di 26’ê Cotmehê de li Dersimê bi wesayîta kirêkirî ji ewil çû Erziromê, piştre derbasî Êlihê bû û ji wir jî çû Amedê û demekê li wir ma.
Guldur piştre vegeriya Dersimê û di 28’ê Cotmehê de malbata xwe jî girt cem xwe û ber bi Kayseriyê ve kete rê.
Wesayîta Guldur li Kayseriyê hate sekinandin û di lêgerînê de 12 kîlo û 600 gramên tiryakê hatin dîtin.
Guldur ê hatî binçavkirin, hevjîna wî û kesekê din ê li cem wan di 29’ê Cotmehê de ve derxistin dadgehê û hatin girtin.
