Daxuyanî ji aliyê endama Yekîtiya jinên Azad Seyran Celad ve hat xwendin.
Daxuyanî bi vî rengî ye:
“Em weke Yekîtiya Jinên Azad bi wesîleya 25’ê Mijdarê Roja Têkoşîna li dijî Tundiya li ser Jinê, tundiya li hemberî jinan şermezar dikin û dibêjin na ji hemû cûrên tundiya li ser jinê re.
Rejîma Trujîllo ya ku xwişkên Mîrabel qetil kir, îro jî di bin maskeyên zayendperest, netewperest û olî de qirkirina jinan didomîne û pergala xwe li ser tundî, kuştin, qirkirina jinê û însanetiyê didomînin.
25’ê Mijdarê ji bo me jinan ne tenê roja têkoşîna li dijî tundiyê ye; di heman demê de roja xurtkirina xweparastinê, pêşxistina hişmendiyê û berfirehkirina tifaqên jinan e.
Faşîzm li her aliyê cîhanê li ser bingeha dijberiya jinê tê pêşxistin. Pergala modernîteya kapîtalîst a pir alî, hêza xwe ji tundiya dewletê ya mêr digire û desthilatdariya xwe ya li ser jinê zêde dike. Sîstema serdest a mêr ku bi armanca zayendperestî, netewperestî û li ser bêdengkirina jinê xwe saz dike, me qebûl nekiriye û em ê ti carî qebûl jî nekin.
Em jin em ê xwe li ser fikir, felsefe û paradigmaya Rêber Apo xwe bi rêxistin bikin û azadiya xwe misoger bikin. Ger îro em weke jinên Kurd bûne xwedî îradeya azadiyê û têkoşînê ji bo xwebûna xwe dikin, ev jî bi saya Rêber Apo ye. Rêber Apo dibêje, hûn çiqas xwe bi rêxistin bikin û bibin ya xwe ez ê jî li pişta we bim û ji we hez bikim.
Em dîsa dibêjin na ji bo hemû curên tûndiya li ser jinê û bi şoreşa Jin Jiyan Azadî em ê têkoşîna xwe li her qada jiyanê xurt bikin û azadiya xwe misoger bikin.”
Daxuyanî bi drûşma “Jin Jiyan Azadî” û “Bijî Serok Apo” bi dawî bû.
