Senatoya Fransayê bi 252 dengan a li dijî 80 dengan rêziknameya ku diyar dike divê di sûcên zayendî yên li dijî zarokan de demaborî rabe, pejirand.
Li gorî qanûna heyî, qurbanî dikarin ji temenê 18 saliyê ve di nava 30 salan de giliyê xwe bikin. Lê belê saziyên mafên zarokan, diyar dikin ku dibe heta ku qurbanî tiştên hatine serê wan eşkere bikin sal derbas bibin û destnîşan dikin ku ev dem têr nake.
Di navbera rêziknameyên ku ji aliyê Senatoyê û Meclîsa Neteweyî ve hatine qebûlkirin de ferqeke çarçoveyê heye. Ji bo ku qanûn bikeve meriyetê, divê her du bask li ser metneke hevpar li hev bikin û pêvajoya qanûnî temam bikin.
