Girtiyê bi navê Ramazan Kaya yê li Girtîgeha Hehmar 2 a Ewlehiya Bilind a Dumlu ya Erziromê tê ragirtin, di axaftina li ser telefonê ya bi malbata xwe re sepanên binpêkirinê ragihand. Kaya diyar kir ku wan li dijî vê lêgerîna di 16’ê Sibatê de serlêdana gilî li mudiriyeta girtîgehê kiriye.
Ramazan Kaya di axaftina li ser têlefonê ya bi malbatê re wiha qala bûyere kir: “Di 16’ê Sibatê de gardiyanê ku me ji bo hevdîtinê derxist, lêgerîna wî di asta tacîzê de bû. Qeyda kamerayê jî heye. Di lêgêrina li ser laş de nexasim singa me, ran û pişta me 34 caran lêgerîn kir. Dema me nerazîn nîşan da got ‘lêgerîna min wiha ye. Rêziknameya min wiha ye.’ Têkildarî vê yekê min daxwazname ji mudirê girtîgehê re nivivî û serlêdana gilî kir. Ji ber ku müdire girtîgehê gardiyanên wiha diparêze, li ser qeydên kamerayê destwerdanan dike û ji ber vê giliyên me bê encam dimîne. Em niha bi lêgerînên wek tecawizê yên wî gardiyanî re rû bi rû dimînin. Heke carekî din ew gardiyan were ji bo parastina rûmeta xwe em ê ji odeyê denekevin. Ji bo vê em neçar in ku tevdîrekî wiha bigirin. Ji ber ku mudirê girtîgehê piştgiriyê dide tacîzên wiha û wan diparêze, sepanên wiha tên kirin. Em bi rêya malbatê bangî saziyên têkildar ên dewletê û raya giştî dikin. Li vir rûmeta miorv tê binpêkirin. Mafê me yê herî bingehîn jî bi sepanên tacîzê tên astengkirin. Em ji bo vê bangî raya giştî dikin.”
