Xelkê bajarê Hesekê û gundewarê wê şervanê QSDˊê şehîd Mihemed Qasim Ubêd, şervanê QSDˊê şehîd Nîzar Hamid El Muheşem û endamê Asayîşê şehîd Basil Îbrahîm Igêl li Pakrewangeha Şehîd Dijwar a gundê dawiyê defin kirin û ji bo endamekî din ê Asayîşê şehîd Ehmed Mihemed Gulê merasîmeke xiyabî li dar xist.
Mihemed Qasim Ubêd di 20ˊê Çileyê de li Hesekê şehîd bû, Nîzar Hamid El Muheşem di 21ˊê Çileyê de li Reqayê şehîd bû, Basil Îbrahîm Igêl di 24ˊê Nîsanê de li Hesekê şehîd bû û Ehmed Mihemed Gulê li taxa Eşrefiyê ya Helebê di 9ˊê Çileyê de şehîd bû.
Merasîmê bi deqeyeke rêzgirtinê dest pê kir. Dûre endama rêveber a Komîteya Jinan a Meclisa Malbatên Şehîdan Necah Hewas axivî û got: “Em îro li ser vê xaka pîroz kom bûne, bejna xwe li hember fedakariyên van şehîdan di oxira welat de canê xwe daye ditewînin. Evan şehîdan li hember astengiyan gav paşde neavêtin bi wêrekî li hember dijmin sekinîn.”
Endamê Rêveber ê Hêzên Ewlekariya Hundirîn (Asayîş) ên Parêzgeha Hesekê Îdrîs Oso sersaxî ji malbatên şehîdan xwest û got: “Ev şehîd wê di bîra me de nemir û modeleke wêrekî û fedakariyê bimînin. Em fedekariyên wan ji bîr nakin û wê ronahiya rêya nifşên nû bin.”
Merasîm bi xwendina wesîqeyên şehîdan û radestkirina ji malbatên wan re bi dawî bû.
