Ji bo gerîlaya Hêzên Parastina Gel (HPG) Jiyan Xelîl Meîş (Bêrîvan Hesekê) ku di 29’ê Nîsanê (2019) li Herêmên Parastinê yên Medyayê şehîd bûbû, merasîma xiyabî, ji bo şervanê Hêzên Komandosê Ebdul Rezaq Sekran (Lewend) ku di 28’ Tirmehê (2025) de şehîd bûbû, li Şehîdgeha Şehîd Dijwar a gundê Dawudiyê ya bajarê Hesekê merasîmek hat lidarxistin.
Piştî deqeyeke rêzgirtinê Hevseroka Meclîsa Saziya Malbatên Şehîdan Gul Mihemed di merasîmê de axivî.
Gul di axaftina xwe de şehîdên şoreşê bi bîr anî û destnîşan kir ku şoreşa Bakur û Rojhilatê Sûriyeyê bûye 14 sal ku bi pêkhateyên Kurd, Ereb, Sûryan ango bi hemû pêkhateyên xwe, xwedî li xaka xwe derdikeve û diyar kir ku wê tu carî dijmin nikaribe gelê ku xwedî şehîdan e, têk bibe.
Endamê Meclîsa Leşkerî ya Eyaleta Hesekê Birûsk Hesekê di axaftina xwe de piştî ku sersaxî ji malbatên her du şehîdan xwest, destnîşan kir şehîdên şoreşê rêya serkeftinê ji bo me vekirine û got; “Em ê heya dawiyê li ser rêya şehîdên xwe bimeşin.”
Xwîşka şehîd Bêrîvan Hesekê, Cîhan Meîş jî axivî û piştî ku qala kesayetiya şehîd Bêrîvan û şehîd Berxwedan kir got; “Em bi şehadeta xwîşk û birayê xwe ser bilind in. Bila dijmin bizanibe ku em ê heya dawiyê li pey şopa şehîdên xwe bin.”
Piştî axaftinan wesîqeyên her du şehîdan hatin xwendin û ji malabatên wan re hatin radestkirin.
Di merasîmê de wêneyên Rêber Apo û wêneyên şehîd Bêrîvan û şehîd Lewend hatin bilindkirin û dirûşmên “Bijî Serok Apo”, “Bê Serok Jiyan Nabe” û “Şehîd Namirin” hatin berzkirin.
