Hêzên ewlekariyê yên peravên Yewnanistanê, ragihand ku di bûyera li nêzîkî Girava Chios de 2 kes mirin û 27 kes hatin rizgarkirin. Her wiha hat diyar kirin ku 10 kes rakirine nexweşxaneyê ku 3 ji wan rewşa wan krîtîk e.
Koçberên hatine rizgarkirin hemwelatiyê kur in hê nehatine eşkerekirin. Giravên Chios û Lesbos di nav cihên girîng yên koçberên ku dixwazin derbasî Ewropayê bibin de ne.
Di nava 10 rojên dawî de ev 2’yemîn karesata koçberan e. Di bûyera beriya vê de ku di 7’ê Cotmehê de li nêzî Lesbosê pêk hat keştiyek binav bibû û di encamê de 4 kes miribûn.
Her wiha 23 koçber jî roja Înê sibehê li nêzî peravên Girîtê hatin rizgarkirin. Hejmara koçberên ku ji Lîbyayê tên vê havînê pir zêde bûye.
Biryara hikûmeta Yewnanistanê ya rawestandina serlêdanên penaberiyê yên koçberên ji bakurê Efrîkayê ji bo sê mehan ji aliyê rêxistinên navneteweyî ve rastî nerazîbûnên tund hatibû.
