Bi sedan şêniyên bajarên Girkê Legê, Cîlaxa û Til Koçerê îro cenazeyê şervanê QSD’ê Amed Qamişlo (Saadî Xeyrallah Ellawî) ku di 6’ê Tebaxa 2025’an de encama êrîşeke çeteyên DAÎŞ’ê li Dêrazorê şehîd bû, li mezargeha Şehîd Iqeb El Eswed ya li Til Koçerê spartin axê.
Merasîm bi deqeyek rêzgirinê dest pê kir. Piştre şervanê QSD’ê Egîd Botan der barê fedekariya şehîdan de axivî û ev tişt got, “Destkeftiyên li Bakur û Rojhilatê Sûriyeyê hatine bidestxistin bi saya xwîn û têkoşîna şehîdan de pêk hatine.”
Botan wiha got, “Şehîdan ewlehî û aramî li herêmê pêk anîn, em ê li pey şopa wan bin.”
Ji rêveberên Meclîsa Malbatên Şehîdan li bajarê Girkê Legê Hiznî Ebûzêd jî wiha got, “Em îro li vî cihê pîroz ku şehîdên me yên azad hembêz dike kom bûne û em soz didin şehîdên xwe ku em ê nehêlin ti kes ewlehî û aramiya herêmên me têk bibe. “
Endamê Meclîsa Bajarê Til Koçerê Selah Kino jî axivî û got, “Şehîd Saadî Xeyrallah Ellawî bi wêrekî li eniyên pêş şer kir û axa xwe û gelê xwe parast, canê xwe feda kir da ku gelê wî azad û ewle bijî. Em jî soz didin wî ku heta serkeftinê li ser rêya şehîdan têbikoşin. “
Piştî axaftinan belgenameya şehîd hat xwendin û radestî malbata wî hat kirin.
Cenazeyê şehîd bi dirûşmeyên dilsoziya bi şehîdan re spartin axê.
