Di gel ku êrîşên Rûsyayê yê li ser Ûkraynayê berdewam dikin, cihê bazirganiyê yê li bajarê Nikopolê yê li herêma Dnipropetrovsk a Ûkraynayê hate hedefgirtin.
Li gorî rayedarên herêmî di encama êrîşê de 3 jê jin herî kêm 5 kesan jiyana xwe ji dest dane û 19 kes jî birîndar bûne. Hate diyarkirin ku di nava birîndaran de zarokeke 14 salî jî heye.
Hate ragihandin ku êrîş di saetên sibehê de pêk hatiye û Serdozgeriya Ûkraynayê êrîş weke ‘’sûcekî şer ê nû’’ pênase kir. Li herêmê xebatên rizgarkirin-lêkolînê berdewam dikin.
Her wiha Hêzên Hewayî yên Ûkraynayê ragihand ku Rûsyayê tevahiya şevê bi 289 balafirên bêmirov ên menzîldirêj êrîş pêk anîne û ji van 260 ji aliyê pergalên parastina hewayî ve hatine xistin.
Hate diyarkirin ku di encama êrîşên Rûsyayê yên roja Înê yên li ser herêmên cuda de jî herî kêm 16 kesan jiyana xwe ji dest dane.
