Xwendekarên Zanîngeha Mûnzûrê, ji bo Gulistan Doku ku ev demek dirêje windaye li kampûsê meşek lidar xistin. Meş bi beşdarbûna xwendekarên din veguherî çalakiyeke girseyî.
Di çalakiyê de dirûşmeyên wek “Gulistan Doku li ku ye?”, “Bêdeng nebe, ger bêdeng bî wê dor were te”, “Jin Jiyan Azadî” û “Kuştina jinan polîtîk e” hatin berzkirin.
Xwendekarên ku li seranserê kampûsê meşa xwe lidar dixistin, rastî destwerdana polîsan hatin. Li dijî vê xwendekar bi gotina “Gulistan li ku ye?” nerazîbûn nîşan dan.
Piştre xwendekar ber bi Dibistana Bilind a Pîşeyî ya Dersimê ve meşiyan û bi berzkirina dirûşmeyan çalakiya xwe bidawî kirin.
