Li gorî daxuyaniya Serokatiya Brezilyayê, Lula bal kişandiye ser lezginiya hevkariya li gel DYE’yê û Trump jî diyar kiriye ku ew ‘’ji hevkariyeke tam re amade ye.’’
Ev hevdîtina yekemîn a piştî ya rûbirû ya piştî rageşiyên bazirganî û dîplomatîk ya di navbera her du serokan a di meha Cotmehê de, weke pêngaveke nû ya nêzîkbûna Washington û Brasiliayê tê dîtin.
Hevdîtin, di dema zêdebûna rageşiya ji ber êrîşên hewayî yên DYE’yê yên li ser keştiyên li peravên Venezuelayê ku dihat îdîakirin têde kaçaxçiyên tiryakê hene de pêk hat.
Di encama êrîşên DYE’yê zêdetirî 20 keştî hatibûn derbkirin û herî kêm jî 83 kes hatibûn kuştin. Lula, beriya niha fikarên xwe yên têkildarî hebûna leşkerên DYE’yê ya li Karayîbê anîbûn ziman; lê belê vê mijarê di daxuyaniya fermî ya hevdîtinê de cih negirt.
Polîsên Brezilyayê di demên dawîn de li gel operasyonên li dijî PCC’ê ku yek ji mezintirîn rêxistina sûcî ya li welêt e, mezintirîn tora fîhilkirina pereyan a di sektora sotemeniyê de hatiye avakirin, têk bir.
Tê zanîn ku têkiliya PCC’ê bi mafyayê Îtalî Ndrangheta ê kokaînê dişîne Ewropayê re heye. Li Rio de Janeiroyê jî di encama operasyonên li dijî Comando Vermelho bi taybetî jî di operasyona meha Cotmehê de zêdetirî 120 kesan jiyana xwe ji dest dabû û ev yek weke xwîndartirîn operasyona polîsan a dîroka welêt hate tomarkirin.
Di hevdîtina telefonê ya berbehs de di heman demê de mijara baca zêde ya ji sedî 40 a Washington li berhemên Brezilyayê disepîne jî hate gotûbêjkirin.
Lula anî ziman ku ew rakirina vê bacê ya li ser berhemên weke qehwe û goştî ‘’erênî’’ dibîne û got ku ew li bendê ye ku ji bo berhemên din jî li lez pêngav werin avêtin.
