Bendava Tişrînê bûye kelha berxwedana dîrokî. Her wiha bûye sitûna xweparastina gel û axa Herêma Bakur û Rojhilatê Sûriyeyê. Ji bo vê yekê jî gel ji bo parastina axa û rûmeta xwe parastinê dikin û bi şervanên xwe re dibin yek. Di vê berxwedaniyê de gel ji tevahî netewan destek didin û tevlî vê têkoşînê dibin.
Di nav gelê ku çûne Bendava Tişrînê de ku piştgirtiya hêzên xwe bikin, Mele Omer Hamid ji ajansa me ANF’ê re axivî.
Mele Omer Hamid destnîşan kir ku Bendava Tişrînê, bendava jiyanê ye ji bo gelê Herêma Bakur û Rojhilatê Sûriyeyê û wiha got: “Em ji bo piştgirtiya şervanên xwe li Bendava Berxwedanê amade ne. Em ê li Bendava Tişrînê berxwedanî bikin heta ku em êrîşan rawestînin. Em ti carî dest ji berxwedaniya xwe bernadin û ev berxwedanî ji bo me yan hebûne yan nebûne. Me ev berxwedanî me ji ola xwe ya aştî û Îslamê girtiye. Di olê Îslamê de parastin tişa herî giring e û kesê ku axa welatê gelekî din dagir bike wê di dawî de cezayê wî jî pir mezin bin. Daxwaza Îslamê ew e ku hemû netew bi rêzgirtin nêzî hev bibin û bi yek dest bi hev re jiyan bikin. Lê dewleta Tirk a ku bi navê Îslamê tevdigere, ew bixwe li dijî zagonên Îslamê derdikeve.”
