Partiya Wekhevî û Demokrasiyê ya Gelan (DEM Partî) duh bi dirûşmeya “Budçeya Nan û Aştiyê” meşek ji çar aliyan ber bi Enqereyê ve da destpêkirin. Baskê Egeyê ya meşê li Îzmîrê bi hevdîtinên kedkaran re destpê kir. Meşvanan li navçeya Torbaliyê serdana kedkarên çandiniyê kirin. Di serdanê de gelek caran dirûşmeyên “Nan, aşiti, azadî” û “Jin, jiyan, azadî” hatin berzkirin. Kedkarên çandiniyê pirsgirêkên xwe ji şandeya DEM Partiyê re gotin.
Parlamenterê DEM Partî ya Colemêrgê Onûr Duşunmez di serdanê de axivî û wiha got: “Beşek mezin a budçeyê ji pişesaziya parastinê re diçe. Li gorî biryara dawî ya NATO’yê divê sedî 5’ê berhema navxweyî ya nesafî ji bo parastinê were xerckirin. Li Tirkiyeyê sedî 5 diçe lêçûnên parastinê. Di nava budçeyê de rêjeya ku ji bo ciwanan tê veqetandin jî sedî 0,7 e. Ew qas ciwanên me yên bêkar hene, budçeya ji sedî 5 ji bo şer û talanê xerc dikin. Ji ber vê yekê em dizanin ku aştiya van xakan, wekî nan pêwîst e. Em bi vê hişmendiyê tevdigerin.”
Meşvanan piştî civîna çapemeniyê ya li ber Gara Alsancak, ber bi Enqereyê ve biçin.
Li Rihayê jî baskê meşê ku li Qada Kentê daxuyanî da, serdana fuara çandiniyê kir. Endamên DEM Partiyê ku li vir bi cotkaran re civiyan, guh dan pirsgirêkên wan.
Meşvanan piştre derbasî Herêma Pîşesaxiya Rêxistinkirî ya Rihayê bûn û kedkarên pîşesaziyê re civiyan.
Parlamenterê DEM Partî ya Colemêrgê Vezîr Coşkun Parlak diyar kir ku li cîhanê û Tirkiyeyê qeyranekî giştî heye û wiha got, “Hemû kedkar, karker, ciwan, jin û astengdar ji vê qeyranê bandor dibin. Dibe ku gelek ji me îro bêkar in û nikarin kar bibînin. Rêya rizgarbûna ji vê qeyranê, demokratîkbûn e. Divê pirsgirêka Kurd bi rêyên demokratîk çareser ibe ku êdî budçe ji bo şer neçe. Kurd jî dixwazin li vî welatî bi gelên din re bi hev re, wekhev û azad bijîn.”
Karkeran daxwazên xwe bi nivîskî radestî şandeyê kirin û xwestin ku sibê li Meclîsê bînin ser ziman.
Şandeyê bi çepikan ber bi Dîlokê ve ketin rê.
