Platforma Saziyên Demokratîk têkildarî mîtînga “Hêvî û Azadiyê” daxuyaniyek nû da ku wê 25’ê Çileyê li Qada Stasyonê ya Amedê bi şîara “Azadiya Rêbertî Azadiya Rojava ye” hatiba lidarxistin.
Li ser navê platformê Hevserokê Amedê yê DEM Partiyê Abbas Şahîn diyar kir ku Banga Rêber Apo ya 27’ê Sibatê ji bo pêvajo derbasî zemînê hiqûqî û siyasî bibe, bi rolek mezin rabûye û got, “Ji ber giranbûna şert û mercên zivistanê mîtînga ku wê 4’ê Çileyê hatiba lidarxistin, taloqî 25’ê Çileyê hatibû kirin.”
Abbas Şahîn diyar kir ku ji bo tevlîbûneke berfireh ji mîtîngê re çêbibe, rewşa xirab a hewayê bandorê li beşdarên mîtîngê neke û ji ber ewlehiya gel mîtîng taloqî dîrokek pêş hate kirin.
Abbas Şahîn bal kişand ser êrîşên çeteyên girêdayî dewleta Tirk, HTŞ û DAÎŞ’ê û ev tişt got, “Têkoşîna me ji bo azadiya Abdullah Ocalan û li dijî êrîşên li ser Rojava, wê bênavber bidome.”
