Zêdetirî 70 rêxistin û saziyên ku di nav wan de Elewî, Êzidî, koçber, sosyalîst, jin û alîgirên aştiyê heyî daxuyaniyek hevpar dan.
Daxuyanî bi vî rengî ye:
“Artêşa Sûriyeyê ku bi piranî ji DAÎŞ’ê û komên cîhadîst ên mîna wê pêk tê, ji 6’ê Çile ve êrîşên xwe li dijî herêmên Rêveberiya Xweser a Rojava daye destpêkirin. Van hêzan, bêyî ku peymanên berê hatine îmzekirin li ber çavan bigirin, êrîşên berfireh ku ji Helebê dest pê kirine û heta Rojava dewam dike pêk anîne.
Ev êrîş bûne sedema mirina gelek sivîlan û koçberbûna bi hezaran kesan. Jinên Kurd dîl hatine girtin û şervanên QSD’ê bi rêbazên ku wekî sûcên şer têne hesibandin hatine êşkencekirin û qetilkirin. Ev êrîş ne tenê wekî çalakiyên leşkerî ye, di heman demê de wekî hewldanek ji bo hilweşandina pergalê, gel û bi taybetî jinên li Rojava jî hatine dîtin.
Bi salan e, van komên cîhadîst ne tenê êrîşî Kurdan, di heman demê de êrîşî Elewî, Durzî, Xiristiyan û Misilmanên sekuler ên li Sûriyeyê jî kirine. Wan hemû gelên ku ji ber bawerî û şêwaza jiyana wan qebûl nedikirin hedef girtin, welat xistin nav tarîtiyek mezin.
Gelê Rojava, bi taybetî jinên Kurd li dijî DAÎŞ’ê berxwedanek mezin raber kirin, hem hebûna xwe û hem jî nirxên hevpar ên mirovahiyê parastin û li herêmê DAÎŞ’ê têk birin. Îro, komên cîhadîst ên ku Peykera Jina Azad ku sembola vê berxwedanê bû hilweşandin, zindanên DAÎŞ’ê yên di bin kontrola QSD’ê de jî bi dest xistin û bi hezaran çeteyên DAÎŞ’ê serbest berdan. Ev rewş ne tenê Rojava, di heman demê de tevahiya cîhanê tehdît dike. Niha ev kom armanc dikin ku bi girtina Kampa El-Hol, ku bi qasî 50 hezar çeteyên DAÎŞ’ê û malbatên wan lê ne, herêmê bixin nav kaosê.
Li pişt van êrîşan îtîfaqeke paşverû ku di nav de DYE, Brîtanya, YE, Îsraîl û Tirkiye hene. Ev hêz dixwazin herêmê ji bo berjewendiyên xwe ji nû ve saz bikin û sîstema ku li Rojava li ser bingeha wekhevî, azadiya jinan û jiyana demokratîk pêş dikeve, hedef digirin. Hebûna Rojava ne tenê ji bo gelên herêmê, di heman demê de ji bo aştiya Rojhilata Navîn û cîhanê jî girîng e.”
Di daxuyaniyê de bang li hemû hêzên demokratîk û azadîxwaz hat kirin ku li kêleka Rojava bisekinin, hevgirtina navneteweyî xurt bikin û dengê xwe li dijî van êrîşan bilind bikin.
Rêxistinên îmzeker, ragihandin ku ew ê heta ku Sûriyeyek demokratîk ava bibe dê parastina Rojava bikin û her li kêleka gelê Sûriyeyê bisekinin.
Navê saziyên ku daxuyaniyê îmzekirine bi vî rengî ne;
*Konfederasyona Yekîtiya Elewiyên Ewropayê (AABK)
*Federasyona Yekîtiya Demokratîk a Dersimê ya Ewropayê (ADEF)
*Konfederasyona Mafên Demokratîk a Ewropayê (ADHK)
*Tevgera Jinên Demokratîk a Ewropayê (ADKH)
*Kongreya Civaka Kurd a Demokratîk a Ewropayê (KCDK-E)
*Însiyatîfa Komuna Demokratîk a Şoreşger a Ewropayê (ADDKI)
*Meclîsên Komunên Şoreşger ên Ewropayê (ADKM)
*Konfederasyona Koçberên Bindest a Ewropayê (AvEG-KON)
*Yekîtiya Kedkarên Koçber a Ewropayê (AGEB)
*Platforma Piştgiriyê ya Dep a Karakoçanê ya Ewropayê (AVKARDEP)
*Navenda Çandî ya Koçgirî ya Ewropayê
*Tevgera Jinên Kurd a Ewropayê (TJKE)
*Foruma Ewropayê ya Azadî û Aştiyê (EFFP)
*Yekîtiya Jinên Sosyalîst a Ewropayê
*Meclîsa Penaberên li Ewropayê (ASM)
*Konfederasyona Ewropayê ya Karkerên Tirk (ATİK)
*Înîsiyatîfa Alternatîf a Deryaya Reş
*Navenda Çandî ya Elewiyan a Bad Homburg
*Dergeha Elewiyan a Bernê
*Komeleya Hevgirtina Dersimê ya Bielefeld û Deverên Derdorê
*Komeleya Elewiyan a Cenevreyê (AAG)
*Cênî – kurdisches Frauenburo fur Frieden e.V/ Berlîn
*Cıvrak Europe e.V
*Federasyona Elewiyên Demokratîk a Ewropayê (FEDA)
*Federasyona Komeleyên Karkerên Demokratîk (DİDF)
*Komeleya Dij-Jenosîdê ya Dersimê 38
*Kongreya Avakirina Dersimê (DİK)
*Komeleya Çand û Hevgirtina Mala Gel a Rojhilatê Swîsreyê
*Komeleya Çand û Hevgirtina Navneteweyî – Elmanya
*Koordînasyona Êzidiyan
*Navenda Çanda Elewiyan a Gustavsburgê
*Însiyatîfa Aştiyê ya Hamburgê
*Navenda Çanda Elewiyan a Hochtauns
*Platforma Kurdên Anatoliya Navîn (PKAN)
*Komeleya Civakî û Hevgirtina Roviyan a Swîsreyê
*Komeleya Mafên Mirovan û Hevgirtinê – Swîsre
*Komeleya Çanda Kizilirmak ê bi perspektîfa jinan
*Înîsiyatîfa Kigı Elmanya
*Komeleya Koçberên Kurdistanê (KURDKOM) – Swîsre
*Komeleya Kurmeş
*KUTUSCH – Swîsre
*Komeleya Pazarcixê ya li Mainz
*Komeleya Çanda Dersimê ya Mainz û Derdora wê
*Federasyona Komeleyên Meraşê (MARDEF)
*Kongreya Gelê Mezopotamyayê
*Partiya Azadiya Mezopotamyayê (MOP)
*Nor Zartonk – Ewropa
*Organîzasyona Xweser a Koçberên Kolektîf a Pangea – Swîsre
*Partiya Komunîst a Kurdistan-Ewropa (KKP-Ewropa)
*People’s Bridge
*Cemxaneya Pîr Sultan Abdal -Alzey
*Pride Rebellion
*Rastiya Pontosê
*Qad-Verein fur Friedensforschung e.V.
*Socialist Youth Movement (SYM)
*Soli-Dem
*Platforma Piştevaniya Sosyalîst (SODAP Ewropa)
*Partiya ji nû ve avakirina Sosyalîst (SYKP Ewropa)
*Platforma Dengê Girtiyan (TSP)
*Meclîsa Kurecîkê ya Navneteweyî
*Komîteya Navneteweyî ya Piştgiriya bi Girtiyên Siyasî re (UPOTUDAK)
*United Front
*Varto Der Reihn-Main e.V
*Wenge Dersim-Hanover
*Xeta Sor
*Cîhanek ji bo Jiyanê
*Ciwanên Demokratîk ên Nû (YDG)
*Jina Nû
*Partiya Çep a Kesk – Ewropa
*Young Struggle
*ZORA
