Meclisa Sûriya Demokratîk (MSD) derbarê pevçûnên ku li gundewarê Şamê di navbera hêzên desthilardariyê û Durziyan de derket daxuyanî da.
MSD’ê di daxuyaniya xwe de kiryarên qetilkirin, tirsandin, xîtaba nefretê û tehrîdkirina mezhebî şermezar kir û diyar kir ku berdewamkirina rêbaza ewlekarî û bikaranîna tundiyê gefan li welat dixwin û ber bi aloziya zêde û hilweşînê ve dibe.
MSD’ê anî ziman ku ev rageşî rê li ber destwerdanên derve vedikin ku yekitî û îstîqrara Sûriyeyê hedef bigirin û banga dîsplînkirina ewlehî, rawestandina êrîşkariyê, ziwakirina çavkaniyên fitneyê û gefa li ser mezhebî kir.
MSD’ê di dawiya daxuyaniyê de banga lidarxistina kongreyeke niştîmanî ya berfireh kir ku tevahî pêkhateyên Sûriyeyê beşdar bibin, pêvajoya siyasî jinûve were rastkirin, destûreke demokratîk li gorî xwestekên Sûriyeyiyan û parastina maf û rûmeta wan were sazkirin û dewleta hemwelatîbûn û edaletê were avakirin.
