Îro li bajarê Kobanê zarokan li dibistana şehîd Xebat û Cigerxwîn helbesta Rêber Apo ya ji bo zarokan xwendin. Piştî Sirûda Netewî Ey Reqîb, Xwendekarê Pola 6’an Mihemed Mistefa ve name xwendin.
Li dibistana Cigerxwîn jî Nameya Rêber Apo ji Zarokan re hat xwandin.
Helbesta Rêber Apo bi vî rengî ye:
“Ji tevahî zarokan re
Sibehekê min û wan hevdu nas kir
Dema ku deriyê sar û rizdekirî vebû
Weke her rojê gardiyan hat
Di destê wî de gelek rojname hebûn
Min jê pirsî; Îro name hatine?
Bi dengekî nizm got; 195 name hatine
name. Di her nameyekê de 195 zarok.
Îro hemû hatine serdana min
Îro hemû mêvanê min in
Di nava van çar dîwarên teng de
Zarokno! Hûn bi xêr hatin;
Tevî gul û kulîlkan hûn hatin.
Hevalên min ên dilmezin
We dinya anî odeya min
Odeya min a bêhna mirov lê diçike
We bêhna buharê bi xwe re anî
We reng hemû berdan nava behrê
Bêhna zarokan hemûyan dikişînim nava xwe
Yek bi yek hemûyan himbêz dikim
Piştre min rojname tevdan û li wan nêrî
Ji nişkê ve çavê min çûn ser quncikekê
Li ser zemînekî reşûspî
Resmên li ber hev ên rêzkirî
Resmên zarokên Ûrfayî
Zarokên giş bi temamî spî,
li ber objektîvê rêz bûne,
di her awirekî de mîna gotinekê
mîna çalakiyekê ne,
herî piçûkê wan; cîhanek
Çavên min wisa pêve man,
min dûrûdirêj li wan nêrî
hema bêje ez wisa nîv saetê mam,
Ez çûm cem zarokan,
çûm wî warê 195 zarok jê hatibûn,
ez bi wan zarokan re çûm,
çûm cem zarokên cîhanê hemûyan,
Ew awir romanên bênav in,
Ez îro li ser destên piçûkan meşiyam,
Min destê xwe da destên zarokan
Azadî bi wan dest pê dike, bi wan diqede,
Min îro bêhna behrê û axê hembêz kir
Jixwe ez her tim zarok bûm
Ez di alema zarokan de veşartî bûm
Wexta ku ez bi hogirên xwe yên biçûk re
hûrûkûr ketibûm nav sohbetê,
Ez veciniqîm bi dengê rizdeya deriyê hesinî,
Tenê saetek destûr hebû ji bo bêhndanê
Wexta ku ez meşiyam
û min gav avêt
li asîman quling difiriyan,
min destê xwe li wan ba kir
bi dengekî ji nava dilê xwe
min got: “Silav”
Min got; silavên min li wan bikin,
silavên min bikin li 195 zarokan….
Ji wan re bibêjin;
bila bedewiyê, zanistê hîn bibin,
Ji dê û bavan re bibêjin
bila wan birçî nehêlin
bêjin qulingno bêjin
ji zarokên biçûk ên Ûrfayî re
ez zarokan maç dikim
silavên min li zarokan hemûyan bikin,
Ûbêjin; Rêber wê ji bo we hemûyan bijî
Bêjin; ez ji wan pir hez dikim
Bêjin; ez çavên her kesî maç dikim.
Rêbertî.”
Piştre jî xwendekaran dirûşmeyên ‘Bê Serok jiyan nabe’ û ‘Bijî Serok Apo’ berz kirin.
