Piştî biryara têkildarî Kongreya Asayî ay 38’emîn a CHP’ê, liv û tevgera li ber Navenda Giştî ya CHP’ê ya li Enqereyê destpê kir, dewam dike.
Piştî ku Serokê Giştî yê CHP’ê Ozgur Ozel, parlamenterên CHP’ê û endamên Desteya Rêveberiya Navendî gotin, wê avahiya navenda giştî neterikînin, girseya gel li ber avahiya partiyê li hev civiya.
Li dû serlêdana Serokê Giştî yê CHP’ê yê berê Kemal Kiliçdaroglû ya li Walîtiya Enqereyê, li dora Navenda Giştî ya CHP’ê tedbîrên berfireh ên ewlekariyê hatin girtin.
Tîmên polîsan bi TOMA, wesayitên zirxî û bendan dor li avahiya navenda giştî ya CHP’ê girtin. Ketin û derketina avahiyê hate girtin û hat ragihandin ku tenê rojnamevanên xwedî qerta çapemeniyê ya bi destûra walîtiyê ne dikarin derbas bibin.
Girseya gel li ber bendên polîsan dirûşma “Rizgarî bi tenê nabe, ya bi hev re ya jî ti ji me” û “Rê ji qeyûm re nîne” qîriya.
Rageşiya li ber Navenda Giştî ya CHP’ê dewam dike.
