Li gorî daxuyaniya Hêzên Hewayî yên Ûkraynayê, di tevahiya şevê de li seranserî welêt bi zêdeyî 600 drone û 90 fuzeyan êrîş hate kirin.
Di êrîşan de paytext Kîev û gelek herêm hatin hedefgirtin. Hat diyarkirin ku herî kêm 4 kesan jiyana xwe ji dest dan, zêdeyî 60 kes jî birîndar bûn.
Rojnameya The Kyiv Independent a girêdayî Ûkraynayê ku bi Îngilizî weşanê dike, ragihand ku li Kîevê ji birîndaran 7 kes birine nexweşxaneyê. Hat diyarkirin ku li oblastta ya li derdora Kîevê jî herî kêm 3 kes birîndar bûn.
DI TEVAHIYA ŞEVÊ DE TEQÎN ÇÊBÛN
Nûçegihanên AFP’ê ragihandin ku li Kîevê di tevahiya şevê de teqînên pir tund çêbûn.
Şaredarê Kîevê Vitali Klitschko diyar kir ku li qata duyemîn a dibistaneke li herêma Şevçenkivski, şewat derket. Hat ragihandin ku li bajêr du dibistan ji êrîşan bandor bûne.
Klitschko da zanîn ku ji ber êrîşa li nêzî dibistaneke din çêbûyî, cihê ketina sirnaxê hate girtin.
ÛKRAYNA: 549 DRONE Û 55 FUZE HATIN ÎMHAKIRIN
Hêzên Hewayî yên Ûkraynayê ragihand ku 90 fuze û 600 balafirên bêmirov hatin tespîtkirin.
Rayedaran anî ziman ku 549 dron û 55 fuze ji aliyê sîstemên parastina hewayî ve hatin îmhakirin.
ÎDÎAYA FUZEYA OREŞNÎK
Artêşa Ûkraynayê hişyarî da ku dibe Rûsyayê di dema êrîşan de fuzeyên “Oreşnîk” bi kar anîbe.
Fuzeya Oreşnîk a hîpersonîk, Mijdara 2024’an ji aliyê Rûsyayê ve li hemberî febrîqeyeke leşkerî, Çileya 2026’an jî li hemberî tesîseke hewageriyê ya li rojavayê Ûkraynayê hatibû karanîn.
Lê belê AFP û The Kyiv Independent piştrast nekir ku di êrîşa dawî ya li ser Kîevê de ev fuze bi rastî jî hate karanîn yan na.
