Komîserê Bilind ê Mafên Mirovan ê Neteweyên Yekbûyî Volker Turk daxuyaniyek da û got, “Darvekirina ku li Îranê zêde bûye, nîşan dide ku cezayê darvekirinê ji aliyê dewletê ve weke amûreke tirsandinê bi rêk û pêk tê bikaranîn.” Volker Turk anî ziman ku ev polîtîka li hemberî hindikahî û koçberan di asteke bilind de tê meşandin.
Turk diyar kir ku cezayê mirinê li mafê jiyanê nayê, li dijî rûmeta mirovan e, rîska darvekirinê li ser mirovên bêguneh çêdike û got, “Darvekirin ti carî di çarçoveya hiqûqa mafên mirovan a navneteweyî de divê neyê bikaranîn. Hikumeta Îranê divê cezayê darvekirinê tavilê rawestîne.”
Li gorî daneyên Neteweyên Yekbûyî di meha Tîrmehê de li Îranê 110 kes hatin darvekirin. Ev hejmar li gorî heman dema sala bihurî bi du qatî zêde ye.
