Serokê Yekîtiya Nîştimanî ya Kurdistanê (YNK) Bafil Talebanî li Debaşan ya Silêmanî, Nûnerê Taybet yê Sekreterê Giştî yê Neteweyên Yekbûyî yê li Iraqê, Dr. Mihemed Hesen, pêşwazî kir.
Bafil Talebanî ragihand ku di civînê de pêşketinên dawî yên siyasî yên piştî hilbijartina Parlementoya Iraqê hatin nîqaşkirin û serkeftina pêvajoyê wekî teşwîqek baştir ji bo pêşvebirina pêvajoya demokratîk û parastina aramiyê li Iraqê hat nirxandin.
Her wiha Bafil Talebanî destnîşan kir ku ewê bi geşbînî û coş ji bo hewlên neteweyî yên avakirina hikûmetek li ser bingeha destûr, yekîtî û xizmeta ji bo gel bikin yek bixebirin û got: “Welatiyên me hêjayî xizmetên zêdetirin. Emê sozên ku me dane wan bicîh bînin.”
