Komîsyona ku NY’ê ji bo komkujiyên li Sûriyeyê ji aliyê HTŞ’ê ve li hemberî Elewiyan hatine kirin ava kirî, ragihand ku komkujî dibe ku di asta sûcê şer û sûcê li dijî mirovahiyê de be.
Di raporê de bi hûrgûlî behsa êrîşên sîstematîk ên li dijî civaka Elewî hate kirin. Li gorî raporê, herî kêm 1.400 sivîl hatin kuştin, cenaze avêtin kolanan, li goristanên komî hatin veşartin.
Li gorî komîsyonê civaka Elewî bi eşkere hate hedefgirtin.
Di raporê de wiha hate gotin: “Nasnameyên mêrên Elewî hatin tespîtkirin û hatin înfazkirin. Kal, jin û zarok jî ji êrîşan rizgar nebûn. Cenaze bi rojan li kolanan man, kar û barên definkirinê ya olî hatin astengkirin, hinek jî bi rengekî bêbelge li goristanên komî hatin veşartin.”
Di raporê de hate ragihandin ku sivîl beriya kuştinê rû bi rûyê êşkenceyê man, laşê wan hate texrîbkirin û ev dîmen di platformên medyaya dîjîtal de hatin parvekirin.
