Lîderê Dêra Katolîk Papa Leo yê 14’emîn li Kamerînê axivî û têkildarî qada siyasetê ya cîhanê daxuyaniyên tund da.
Papa got, “Cîhan ji aliyê çend tîranan ve ber bi hilweşînê ve tê birin” û diyar kir ku hin lîder gotinên olî ji bo mafdarîkirina şer bi kar tînin.
Papa Leo anî ziman ku bi milyaran dolar “Ji bo kuştin û hilweşînê” têne bikaranîn û li hemberî vê yekê ji bo tenduristî, perwerde û jinûve avakirinê çavkaniyên pêwîst nayên peydakirin. Anî ziman ku ev rewş işaretê bi hilweşîneke exlaqî dike.
Daxuyaniyên Papa piştî rageşiya navbera wî û Serokê DYE’yê Donald Trump hate dayin. Trump beriya bi demeke kurt bi gotinên tund rexne li Papa kiribû û ew bi “lawaziyê” sûcdar kiribû.
Trump di daxuyaniya xwe de gotibû, ew “Papayekî ku serokê DYE’yê rexne dike, naxwaze” û bi rengekî eşkere diyar kiribÛ ku ew tevlî nêrînên Papa Leo nabe. Trump îdîa kiribû ku divê Papa fêhm bike bê çima di mijara Îranê de divê helwesteke tund nîşan bide.
Papa jî li hemberî van rexneyan paşve gav neavêt. Leo got, “Ez natirsim” û anîbû ziman ku wê helwesta xwe ya li dijî şer dewam bike û bi dewamî banga ji bo aştiyê bike.
