Şehîd Sîdar Efrîn ku di 18’ê Çileyê de li Tebqayê şehîd bû, di peyama xwe ya dawîn de dibêje: “Me wek şervanên YPG û YPJ’ê şoreşa Rojava bi cîhanê da naskirin.”
Peyam wiha ye:
“Me wek şervanên YPG û YPJ’ê şoreşa Rojava bi cîhanê da naskirin. Di cîhanê de gelek şoreş pêk hatine û gelek îsyan hatine kirin. Gelek berxwedan di dinyayê û Rojhilata Navîn de qewimîn. Lê wekî şoreşa Rojava û berxwedana YPG û YPJ’ê, mînakên wê kêm in. Kesî xeyal nedikir ku di Rojavayê Kurdistanê de pêngaveke wisa ku keç û xort, bi taybet ên Rojava tevlî nava şoreşê bibin û serî hildin. Ev bangewazî ji bo tevahî dost û dijminan e ku li me tamaşe dikin.
Di dîrokê de jin tên naskirin, lê jin rastî gelek zilm û zehmetiyan hatine. Êşên wan heya roja îro hene û ev êş berdewam in. Dewlemendî û fikirandinên jinan tevahî desteser kirine. Heya roja îro bi dîroka dewlemendiya jinan lîstine. Her wiha ser fizîkiya wê tê îstîsmarkirin. Ev hatina YPJ’ê û di nava şoreşê de cihê xwe girtin, mesajeke ji bo wê ye. Şoreşa Rojava mesajek bû ji bo tavahî cîhanê, ji dost û dijminan re, dostên me ji me fêm dikin, em li ser kîjan felsefeyê û kîjan nêzîkbûnê nêzîk dibin.
Dijminên me jî dizanin em çi qas li hemberî wan bi talûke ne. Em bi hêz, fikir û jiyana xwe ve girêdayî ne. Gelê Rojava jî, gelê perwerdekirî ye, gelê Serokatiyê ne. Serokatî 20 sal di vir de amadekariyên şoreşê dikir. Keda Seroketî di Rojava de, kedeke mezin e. Ev dewlemendiyên heyî, hemû kedên Serokatî ne. Serokatî li Rojava mal bi mal geriyaye, xwe û rêxistin bi wan daye naskirin. Ji sêyan yekê gelê me bi Rêber Apo re rûniştiye, bi Rêbertî re nîşan kiriye û amedekariya vê şoreşê kirine. Ji bo vê yekê jî gelek berdêl hatine dayîn.
Rejîma Sûriyeyê li ser vî gelî, zilm û helandin daye meşandin. Gel ji rejîme gelek zirar dîtine. Kombûna gel û xwedîderketina li şoreşê ji bo rejîmê mesajek e. Ev gel rastî gelek êşan hatiye, gelek netewe, pêkahete û mezheb hene û rastî vê êşê hatine. Lê di şoreşa Rojava de ev gel tevahî li derdora hev kom bûn û bi hev re li ser felsefeyekê û fikirekê kom bûne. Pêkhate di dîrokê de bûne dijminên hev, di navbera wan de kuştin çêbûne. Ev şoreş ji bo axa Rojava û Suriyeyê, jin, zarok û gel bi hev re vê axê paqij bikin û bi hev re bijîn, armanc ew e.
Di şoreşê de neteweya demokratîk hişt ku gel xwe bi xwe xwe bi rê ve bibe, ne tenê gelê Kurd, tevahî pêkhate bi hev re xwe bi rê ve bibin û xwe fêrî xweparastinê bikin. Di her qadê de xwe bi rê ve bibin, tevahî destkeftiyên li Rojava yên vî gelî ne. Em kadroyên neteweya demokratîk in. Daxwaza me tenê ne ji bo gelê Kurd e, em dixwazin bi gel û mezhebên din jî bidin naskirin. Zor û zehmetiyên wê hene, ji ber ku çavê gel dane sorkirin bi navê dewletê.
Gelek kes ji derveyî welat hatine vir û xwedî li vê şoreşê û neteweya demokratîk derdikevin. Ji gelek dewletên derve hatine û berê xwe dane Rojava û canê xwe ji bo vî welatî feda kirine. Ev yek jî îsbat dike ku neteweya demokratîk ji bo tevahî gelan e. Fikir û felsefeya Rêbertî di nava civakê de hatiye fecirandin û gel xwedî lê derdikeve. Her çar parçeyên Kurdistanê û derveyî welat jî xwedî lê derdikevin.
Em jî ji bo guhertin û veguhertinê amade ne û xwe ji bo erkê ku bikeve ser milê me û bi taybet ji bo pêvajoya neteweya demokratîk xwedîderketina li şoreşê, em bi fikir û felsefeya Rêbertî xwe hazir dikin.
Dahûrandinên me di akademiyê de ji bo me firsendeke mezin e ku ji demê re amede bin. Çi êriş dibe û kîjan dijmin dibe bila bibe, êriş bikî jî tu amade yî. Dema ji guhertin û veguhertinê re amade bî, tu li hemberî dijmin jî amade yî.
Ji guhertin û veguherinan re amede bin da ku em di şer de jî li hember dijminên xwe amede bin. Bi kîjan awayî şerê me bikin; di aliyê fizîkî, fikirî û propagandayê de be jî, em dikarin şerê wê bikin û xwe biparêzin.”
