Şer 24’ê Tîrmehê destpê kir û 5 rojan dom kir. Ji her du aliyan herî kêm 43 kesan jiyana xwe ji dest dan. Her du alî roja sêşema borî, têkildarî agirbestê li hev kirin. Lê pevçûn û fikarên ewlehiyê bû sedema pêleke mezin a koçê.
Ji Berdevktiya Wezaretê Sun Mesa diyar kir ku zarok jî di nav de zêdeyî 750 Kamboçyayî Tayland terikandin. Mesa ragihand ku îdîa hene, hin koçberên Kamboçyayî ji aliyê “çeteyan” ve hatine hedefgirtin.
Rayedarên Taylandî hejmarên fermî eşkere nekirin, komeleyên ticaret û turîzmê yên sînor ragihandin ku tenê li xeta Chanthaburi-Battambang di du rojên dawî de nêzî 50 hezar kes derbas bûne.
Li Taylandê nêzî 1,2 milyon karkerên Kamboçyayî yên koçber hene. Rayedarên her du welatan, ji bo kêmkirina tengasiya li sînor li Malezyayê hevdîtinan didomînin.
