Partiya Jiyana Azad ya Kurdistanê (PJAK) di derberê salvegera 41’an ya Cejna Vejînê ya 15’ê Tebaxê daxuyaniyeke nivîskî da.
Daxuyaniya PJAK’ê wiha ye:
“Cejna Vejînê ya 15’ê Tebaxê îro gihiştiye qonaxa Cejna ‘Aştî û Civaka Demokratîk’. Ew têkoşîna şoreşgerî ya Rêber Apo dayî destpêkirin, bi teqandina fîşeka yekem ya ji aliyê Hevrê Egîd (Mahsûm Korkmaz) Fermandarê 15’ê Tebaxa 1984’an gelê Kurd ji qirkirinê rizgar kir. Ev şoreş bi saya Fermandarê 15’ê Tebaxê, plana qirkirina dijminan vala derxist, heman demê bû Cejna Vejîna gelê Kurd.
Vejîna 15’ê Tebaxê li dijî faşîzimê li hemû Kurdistanê bersiveke mezin bû. Pêngavek welê bû ji bo hemû hêzên cîhanî û herêmî piştrast kir ku vîna gelê Kurd nayê şikandin. Bi pêşengtiya Rêbertî û fedekariya Rêber Apo gelê Kurd gelek carî ji komkujî û asîmlasyonên hovane rizgar kir. Bi vî rengî rêya azadiyê vekir. Gihiştina me ya vê qonaxê bi saya Cejna Vejînê ya 15’ê Tebaxê ya Rêber Apo û fermandar Hevrê Egîd gihiştiye lûtkeyê. Ev yek bû sedemê destkeftiyên xurt bên girtin û bûye Cejna Vejînê ya gelê Kurd.
Dewletên ku hikum li ser her çar parçeyên Kurdistan dikin, bi piştgiriya zêde ya welatên cîhanê li ser esasê jenosîd û asîmlasyona li dijî gele Kurd bûne yek. Bêyî Vejîna 15’ê Tebaxê ne mimkûn bû ku ev tevgera tirsnak bê tinekirin. Fermandar Hevrê Egîd û têkoşîna fedayî ya hêza gerîla afirêneriyeke mezin di nava gelê Kurd de xuliqand. Ev pêngaveke bi hêz ya şoreşgerî ya li dijî faşîzma li Kurdistanê bû. Destkeftiyên vê pêngavê îro di warê siyasî, civakî, çandî û azadîxwaziyê de sînorên Kurdistanê derbas kiriye. Gelê Kurd mindetdarê vê pêngavê ya bihêz û cesarete.
Îro gelê me gihişte qonaxeke welê ku Rêber Apo sala 2025’an dest bi pêngava ‘Aştî û Civaka Demokratîk’ kir. Pêngava 15’ê Tebaxê ya li Eruh-Şemzînan ya li Bakurê Kurdistanê bi pêşengtiya Fermandar Egîd destpê kir, têkoşîneke bê eman û mînak bi xwe re anî. Gelê Kurd yê bindest gav bi gav nêzî azadiyê kir.
Nabe ku em qirkirina çandî û fîzîkî ya ji aliyê dijmin ve bi rengekî herî hovane hatî kirin ku di encamê de bi deh hezaran kesên bê guneh bûn qûrbanî, ji bîr bikin. Di encama Cejna Vejînê ya li dijî vê hovîtiyê de hişyariyeke netewî pêk hat. Dîsa Kurdistan bû çeperên azadî û demokrasiyê. Niha dîrokeke rasteqîn ya nivîskî ya gele me afirandî heye. Ev dîroka geş, çîroka têkoşînê ya dehan salan ku bi pêşengtiya Rêber Apo hatî destpêkirin, di rêza herî pêş ya dîrokê de cih digire.
15’ê Tebaxê îspat kir ku mirina dewleta netewe û faşîzma wê rastiyeke bi saya îradeya pola ya gelê Kurde û ev îrade iradeye jî bi bidestxistina azadî û demokrasiyê ye.
Îro, çanda ‘Berxwedan Jiyane!’ me gihandiye qonaxa têkoşîna ‘Jin Jiyan Azadî’ ku pêvajoya bidestxistina azadiya piralî. Ji ber vê yekê, tu hêz nikare vê pêvajoyê rawestîne û îradeya gelê me bişkîne. Peyama Pêngava 15’ê Tebaxê ewe ku serdema faşîzmê, peymanên wê bi hêzên navnetewî re û dan û wergirtina pereyek bêhempa bi armanca tunekirina gelê Kurd, bidawî bûye.
Berê, Rêber Apo hewcedariya têkoşîneke sîstematîk û armancdar ya gelê Kurd hîs kiribû û îro jî derket holê ku gihiştina pêvajoya têkoşîna azadiyê ya piralî bi saya Cejna Vejînê misogere. Berxwedan û têkoşîn ji çiyayên bilind û asê yên Kurdistanê bigire heya zindanên tirsnak yên dijmin Tevgera Azadiya Kurd gihandiye astek pêşveçûnê ku dê sûdê bide tevahiya Rojhilata Navîn.
Îro, hişmendiya dijmin a li ser qirkirin an asîmîlasyona Kurdan bêwate bûye. Ji ber ku îradeya dilsoz û xurt a gelê me ji bo bidestxistina azadiya mayînde êdî têk naçe. Ger faşîzm îro li hember gelê me û hêzên gerîla bêçare maye, ev bi saya pêşengiya Rêber Apo û Fermandariya Heval Egîd’e.
Li Rojhilatê Kurdistanê, tiştê ku tevgera şoreşger a ‘Jin, Jiyan, Azadî’ pêş xistiye, têkoşîna bi dehan salan a gelê me li ser rêya Tevgera Apoyî bû. Rêya demokratîk a li Rojhilatê Kurdistanê destkeftiya vê serhildana mezine. Di civaka pir-etnîkî ya Îranê de, derfeta bidestxistina azadiyê ji bo hemû netewan tenê wê demê pêk tê ku ew ji destkeftiyên demokratîk û azadiyên Cejna Vejînê û Cejna Azadiyê ya gelê Kurd sûd werbigirin.
Ev destkeftî ji helwest û gotina ‘netewa demokratîk’ pir cuda nîne û mirovahiyê şansê wê yekê bidest xistiye ku jê sûd werbigire. Bêgûman vejîna gelê Kurd, vejîna jinan û vejîna netewên bindest di pêvajoya dehsalan a Pêngava 15’ê Tebaxê de li hev civiyane û îro ew nêzîkî qonaxa dawî ya azadiyê dibin. Jin di navenda qada azadiyê de ne û bêgûman bêyî azadiya jinê, azadiya netewan nabe. Jin hêza pêşeng û dilxwaz ya Tevgera Azadiyê ne û li ser vê bingehê têkoşîna xwe watedar kirine.
Partiya Jiyana Azadiya Kurdistanê (PJAK) salvegera 41’emîn a Pêngava 15’ê Tebaxê di serî de li Rêber Apo, malbatên şehîdan, hêzên gerîla, tevahiya gelê Kurd, hêzên azadîxwaz û demokratîk yên Îran û Rojhilatê Kurdistanê pîroz dike.
Îro, jin û ciwan pêşengên vê têkoşînê ne. Bi destpêkirina pêvajoya ‘Aştî û Civaka Demokratîk’ re, Rêber Apo hewl dide ku vê têkoşîna bi dehan salan bi bidestxistina azadiya mayînde bidawî bike. Bila ev rêya azadiyê tijî rêwiyan û mîrateya 15’ê Tebaxê be, ku mîrateya azadiya gelê me û hemû neteweyên bindest yên Rojhilata Navîn e. Bi çareseriyeke demokratîk a pirsgirêka Kurd li her çar beşên Kurdistanê dê bi serkeftinê bidawî bibe.”
