Serokê DYE’yê Donald Trump, li ser medyaya dijîtal Truth Socialê daxuyaniyek da û ragihand ku rêveberî îhtimala kêmkirina hejmara leşkerên Emerîya yên li Elmayaym dinirxîne. Trump diyar kir ku biryar wê di nava demeke nêz de zelal bibe.
Ev pêngav, piştî gotinên Serokwezîrê Elmanyayê yên rexnekirina rêveberiya Washingtonê yên têkildarî şerê Îranê hate avêtin.
Serokê Elman, diyar kiribû ku DYE’yê di mijara Îranê de ‘’stratejiyeke diyar tune ye’’ û anîbû ziman ku Tehran Washingtonê biçûk dixe.
Trump jî bi awayekî tund bersiva van daxuyaniyan da û ji bo serokê Elman jî got ku ‘’ew nizane bê ka çi dibêje’’ û îdîa kir ku Elmanya hem di qada aboriyê de hem jî di qadên din de ‘’di nava rewşeke pir xirab de ye.’’
Berlînê jî bi armanca daxistina rageşiyê daxuyaniyek da. Rêveberiya Elmanyayê got ku têkiliyên wê ya bi Trump re ‘’ji aliyê wan ve hê jî bi qasî berê baş in.’’
Hebûna leşkerên DYE’yê ya li Elmanyayê xwe dispêre bi dehan salan. Li gorî daneyên sala 2024’an, li Elmanyayê zêdetirî 35 hezar leşkerên DYE’yê hene û çapemeniya Elmanyayê diyar dike ku ev hejmar nêzîkî 50 hezarî bûye.
Hêzên Ewropayê yên DYE’yê (EUCOM), li bajarê Stuttgart ê li başûrrojavayê Elmanyayê ye û mezintirîn baregeha hewayî jî li bajarê Ramsteinê ye.
Trump, di tevahiya serokatiya xwew de gelek caran NATO rexne kiriye û di serî de Elmanya gefa kêmkirina leşkerçn Emerîkayê yêçn li Ewropayê gelek caran anîbû rojevê. Ji sala borî û pê ve li seranserê Ewropayê nêzîkî 80 hezar leşkerên DYE’yê hebûn.
Tê îdîakirin ku rêveberiya Washingtonê bi egara ku ji şerê Îranê re zêde piştevanî nehatiye dayîn li hemberî hin hevalbendên xwe pêngavên bergirîdanê biavêje, dinirxîne.
Li gorî Reutersê, ger pozîsyona Spanyayê ya di NATO’yê de betal bike û piştevaniya Keyaniya Yekbûyî kêm bimîne wê DYE helwesta xwe ya têkildarî Giravên Malvinasê (Falkland) ji nû ve binirxîne.
