Hevserokê KONGRA GEL Remzî Kartal têkildarî banga ‘Aştî û Civaka Demokratîk’ a Rêber Apo ji rojnameya Ronahî bersiv da pirsên rojnamevan Argeş Viyan. Hevpeyvîna bi Remzî Kartal re bi vî rengî ye:
Hûn vê pêvajoya ku bi pêşengtiya Rêber Apo dimeşe û hevdîtinên bi Heyeta DEM Partiyê re tên kirin, çawa dinirxînin?
Ev pêvajoya hevdîtinan a li gel Rêberê gelan Rêber Abdullah Ocalan re dimeşe, Şerê Cîhanê yê 3’emîn ya ku navenda wê Rojhilata Navîne encama wê ye. Bi taybet jî, piştî şoreşa Rojavayê Kurdistanê ji bona desketiyên gelê Kurd têk bibe, derfetên di destê xwe de yê herî pêşketî bi kar anî. Dewleta Tirk pergala xwe giştî li gorî têkbirina Tevgera Azadiyê, destketiyên Kurdan xwe birêxistin kir. Ev proseya ku difikirin serneket û ji bona wê jî di hindirê Bakurê Kurdistanê û Tirkiyê de qeyranên aborî û siyasî rû da. Pêşketinên ku Rojhilata Navîn û cîhanê di qewimîn weke Şerê Israîl û Hemasê, Rusya û Ukranyayê metirsiyekê mezin ya têkçûyinê di hikûmeta AKP-MHP’ê de da avakirin. Ji bo jinûve dizaynkirina Rojhilata Navîn plansaziyên Dewletên Yekbûyî yên Emerîka û Israîlê jî, ji bona Israîl bibe hêzekê hegemon ya cihanê jî di aliyekê de rola xwe leyist. Her hêza ku li Rojhilata Navîn de cih digirt, hewildan dikir ku li gorî xwe herêmê dizayn bikin. Ev paradigmaya Rêber Apo ya ku azadiya gelan bingeh digire ji bona gelên ku bindestin hêvîyekê mezin da avakirin. Hat xuyakirin ku çareseriya alozî û gengeşeyên li Rojhilata Navîn bi ramanên Rêber Apo pêkan e. Ji bona çareserî û aşitî bê herêmê Rêber Apo hewildanên pir girîng û mezin kirin. Ev hêza ku Rêber Apo dabû nîşandan rayedarên dewleta Tirk ya dagirker neçar hişt ku biçin hevdîtinan li Imralî destpê bikin. Ev zemîna ku avabûye Rêber Apo jî dê wê ji bona berjewendiyên gelan bikartîne. Desthilatiya AKP-MHP’ê tirsekê mezin jiyan dikin û ji ber wê tirsa wan ya têkçuyinê bingeh avakirin ku hevdîtîn li gel Rêber Apo dan destpêkirin. Ev pêvajoya bi pêşengtiya Rêber Apo de, derfetên têkoşînê vebe, pengavekî dîrokî ye. Di wê çarçoveyê da desteya ku parlementerên Dem Partiyê de bi pêk tên çend rêze hevdîtîn li gel Rêberê Gelan kirin. Li gor wan hevdîtinên di navbera desteya Dem Partî û rayedarên dewletê de dê rolekê bileyizin û derfet ji bona Rêber Apo bên avakirin jî wê ne tenê li Kurdistanê giştî Rojhilata Navîn bikeve di nav pêvajoyekê nû û aşitiyê. Di heman demê de jî nêrînên Rêber Apo hemû derdorên ku peywendidar re bên parve kirin.
Weke we jî anî li ser ziman Rêber Apo name û peyamên xwe ji bona beşên cuda yê Tevgera Azadiyê şand. Di derheqê ev peyama ji bona Kurdên Ewropa hatibû şandin hûn dikarin hin agahiyan bi me re parve bikin?
Rêber Apo di derheqê pirsgirêka Kurd de ya ketiye qonaxeke nû de bi her kesî re nêrînên xwe parve kir. Rêber Apo çawa ku partiyên ku li Tirkiyê de siyaseta legal dimeşînin di encamê hevdîtinan û plansaziyên xwe yên demên pêş parve kir û aliyên demokrat daxwaz kir ku piştgrî bidin pêvajoya nû ya aşitî û demoqrasiyê. Dîsa di heman demê de jî, hemû partî û rêxistinên Kurdistanê dixwaze ev demên dîrokî de erka ku dikeve li ser milên wan pêk bînin. Bangawaziya Rêber Apo ji bona Tevgera Azadiyê jî ew e ku li her beşên ku cîhanê yên qadên şoreşê xebatê xwe xurt bikin. Rêber Apo bi desteya DEM Partiyê re çend peyam şandin yek ji ji bona beşa derveyî welat ji bona tevger û civaka Ewropayê şand. Rêber Apo dibêjê ‘Kurdên diaspora û Ewropayê, rêxistina xwe heya astekê dane avakirin û şoreşa Kurdistanî hemû enternasyonal û dostên Kurdan daye naskirin. Lê ev ne têrker e, pêwîste em xwe bigihînin hemû aliyan û ji ber ku ev pêvajoya gelan e û divê cîhan hemû sûd jê werbigire’. Di hemû aliyan de dixwaze guhertineke bingehîn bidin avakirin û ji aliyên peywendîdar jî daxwaz dike ku pêwîste ev şert û mercên guhertinê re jêrzemînekê xurt bidin avakirin. Rêber Apo tîne li ser ziman ku pêvajoya diqewime kêliyên serketinê ne, pêwîste baş bi kar bînin û divê cidî nêzikatiyek bidin xuyakirin ji bona pêşveçûyina pêvajoyê. Rêber Apo nêrîn û perspektîfên xwe ji bona Tevgera Azadiyê tîne li ser ziman û silavên xwe yên gerim ji bona gelê welatparêz û derdorên azadîxwaz yên Ewropa û diaspora de jiyan dikin re dîşîne. Li wir de jî, rola sereke dikeve li ser milê gelê me yê azadîxwaz.
Ev pêvajoya ku bi pêşengiya Rêber Apo de destpê kir, ji bona bigihije encamekê bingehîn erka ku dikeve li ser her du aliyan weke Tevgera Azadiya Kurdistanê û hikûmet û rayedarên dewleta Tirk çi ye?
Ev pêvajo ji bona her du aliyan jî pevajoyekê pir taybet û hesas e. Ev ê bibe encama têkoşîna berxwedana gelan a salan a ku pir zehmetî kişandin e. Rêber Apo li ser armancake mezin xwe ji bona wan rojên azad amade kir, nexşerêyekî ji bona encama bigire dan pêşiya xwe. Bi vê pêvajoya têkoşîna gelan, hîmên azadiya Rêber Apo hatin avêtin. Hêzên ku hemû nasname û baweriyên civakî di nav xwe de dihewînin, erka mezin dikeve li ser milê wan jî. Pêwîste li ser bingeha paradigmaya Rêber Apo ya Neteweya Demokratîk, hevgirtina gelan çêbikin, nêrîn û perspektifên Rêber Apo di her du aliyan de baş bê fêmkirin û pêkanîn. Taybet ji bona hevgartina pêkhateyên ku Bakur û Rojhilatê Sûriyê de pir girîng û pewîst e û divê hêztir û xurttir bibe. Ev erka mezin jî dikeve li ser mile Rêveberiya Xweser ya Bakur û Rojhilatê Sûriyê. Ji ber ku gelek kesên hewl didin aramiya Kurdan û hevgirtina gelan xera bikin û ev pêvajoya Neteweya Demokratîk ya gelan sernekeve hene. Ev plansaziyên dewleta Tirk a ji bo astengkirin û zêde cidî nêz nebûna pêvajoyê bi hevgirtina gelan têk bibin û pêvajoya nû jî em bigihînin serketin û ji bona bibe pergala berjenwendiyên gelan û civakên bindest.
Peyama we ji derdorên ku xwe ji pêvajoyê vedigirin çi ye?
Ev peyam û pêvajoya pêşengtiya rêberê gelan Rêber Abdullah Ocalan yekser li ser rojeva Rojhilata Navîn û cîhanî bandor bike. Gelên û hêzên demokrasîxwaz divê xwe berpirsyar bibînin û ev pêvajo ne tenê pêvajoya gelê Kurd e, di heman demê de pêvajoyeke cîhanî ye. Êdî hewcedariya herêmê û gelê Kurd bi aramî û aştiyê heye û demê wê jî derbas bûye. Ev pêngava Rêber Apo ya çareseriya pirsgirêka Kurd bê mezinkirin û hemû derdoran re bidin fêmkirin, ji ber her alî tevlî wê pêvajoyê bibin. Ji ber wê yekê bingeha çareseriya pirsgrêkên herêm û cîhanî azadiya Rêber Apo û çareseriya pirsgrêkên gelan e. Em jî weke Tevgera Azadî û gelên li Ewropa û dîasporayê sala 2025’an em ê bikin sala azadiya Rêber û çareseriya pirsgrêka gelan û silavên rêberê gelan Rêber Abdullah Ocalan bi keyfxweşî pêşwazî dikin û silavên xwe yên germ ji bona girava Imraliyê Rêber Apo re dişînin.
