Di merasîma bîranînê ya ku li Goristana Pirsûsê hat lidar xistin de, li gel malbatan rayedarên DEM Partiyê nûnerên Komeleya Piştgirî û Hevgirtina bi Malbatên ku li Axên Kevnar Xizmên Xwe Winda kirine û Komeleya Rojnamevanên Dîcle Firat jî amade bûn.
Berî bîranînê, polîs hewl da ku beşdaran li deriyê goristanê rawestîne û asteng bike. Li ser nerazîbûnan, polîs paşve gav avêt. Beşdar bi wêneyên Aktaş û Yavûzel ber bi goristanê ve meşiyan û dirûşme berz kirin.
Di çalakiya bîranînê de hat gotin ku Rohat Aktaş wek rojnamevan pêvajoya pevçûnê dişopand û Mehmet Yavûzel jî xebatên siyasî dikir. Axaftvanan, dan zanîn ku divê tiştên li Cizîrê qewimîn bêne ronîkirin û berpirsyar bên darizandin.
Malbatan jî daxwazên xwe yên aştiyê anîn ziman, bal kişandin ser girtiyên siyasî û banga azadiya fîzîkî ji bo Rêber Apo kirin.
Bîranîn bi xwendina duayan û danîna qurnefîlan li ser goran bi dawî bû.
