– Êrîşên çeteyên HTŞ’ê yên hikûmeta demkî ya Sûriyeyê li ser bajarên Rojava û pêşketinên têkildar wê werin şopandin.
– Çalakiyên ku li Kurdistan, Tirkiye û Ewropayê li dijî êrîşên li Rojava hatine kirin wê werin şopandin.
– Hevserokê DEM Partiyê Tûncer Bakirhan wê beşdarî daxuyaniya çapemeniyê ya ku ji hêla Platforma Saziyên Demokratîk ve li navçeya Pirsûsê ya Rihayê tê lidarxistin bibe.
– Pevçûnên di navbera QSD û çeteyên HTŞ’ê yên girêdayî rêveberiya Şamê de tevî agirbestê jî berdewam dikin. Hevberdevkê HDK’ê Alî Kenanoglu bal kişand ser binpêkirinên çeteyên HTŞ’ê. Kenanoglu diyar kir ku feraseta rêbaza rêveberiya yekgirtî wê li Sûriyeyê aştiyek mayînde çêneke.
– Parlamenterên Ewropayê bertek nîşanî êrîşên çeteyên HTŞ’ê ya hikûmeta demkî ku ji hêla dewleta Tirk ve tên piştgirîkirin ên li ser Rojava û peyama “Em bi gelê Kurd re ne“ dan.
– Komeleya Mafên Mirovan (ÎHD) li hemberî êrîşên ku li ser Rojava didomin amadekariya çûna Pirsûsê dike. Baroya Amedê jî plansaziya çûna Rojava dike. Parêzvanên mafên mirovan bang li Neteweyên Yekbûyî kirin ku li dijî êrîşan têkevin nava liv û tevgerê.
– Senatorê Partiya Sosyalîst û serokê koma Paris en commun li Şaredariya Parîsê Rémi Féraud di axaftina xwe de li Senatoya Fransayê bal kişand ser êrîşên li dijî Kurdên Sûriyeyê û bang li hikûmeta Fransayê kir.
